මෙරුවෝ ඉන්දු-දකුණු අප්‍රිකා තරගය පැය බාගයක් නවත්වති

මෙරුවන් විශේෂයක් පිටියට කඩා වැදීම හේතුවෙන් සංචාරක ඉන්දීය කණ්ඩායම සහ දකුණු අප්‍රිකාව අතර පෙරේදා සෙන්චූරියන්හිදී පැවති තෙවැනි විස්සයි20 තරගය පැය බාගයකට ආසන්න කාලයක් නතර කිරීමට විනිසුරුවෝ තීරණය කළහ.

මේ තරගයේ දකුණු අප්‍රිකානු පිළිතුරු ඉනිමේ පළමු ඕවර යැවීමෙන් පසු මේ මෙරුන් පිටියේ පුරා පියාසර කළ අයුරු දැකගත හැකි විය.

කෙසේ වෙතත් පැය භාගයකට පසු ඕවර අඩු කිරීමකින් තොරව යළි තරගය ආරම්භ වූ අතර, ඉන්දියාව දුන් ලකුණු 220ක ඉලක්කය හඹා ගිය දකුණු අප්‍රිකාවට ඕවර 20 අවසානයේ කඩුලු 7ක් දැවී රැස් කළ හැකි වූයේ ලකුණු 208ක් පමණි.