ශ්‍රී ලංකා පාසල් ක්‍රිකට් සංගමය විසින් ශ්‍රී ලංකා ක්‍රිකට් ආයතනයේ අනුග්‍රහය ඇතිව සංවිධාන කරන අවුරුදු 19න් පහළ අන්තර් පාසල් දෙදින ක්‍රිකට් තරගාවලියේ මෙවර තරගවාරයේ තම දෙවැනි ශතකය රැස් කිරීමට මොරටුව සාන්ත සෙබස්තියන් විදුහලේ නායක රයන් දිසානායක සමත් විය.
රයන් පන්දු 187කදී හතරේ පහර 17ක් සහ හයේ පහර 3ක් සමඟින් ලකුණු 139ක් රැස් කළ අතර, මේ තරගයේදී සාන්ත සෙබස්තියන් විදුහල හමුවේ මහනුවර සාන්ත සිල්වෙස්තර විදුහල ඉනිමකින් සහ ලකුණු 78කින් පරාජය විය.
මොරටුව සාන්ත සෙබස්තියන් පිලේ මලින්ත සිල්වා පන්දුවෙන් දස්කම් දක්වමින් තරගයේදී කඩුලු 6ක් දවාලූ අතර, මල්ෂ ප්‍රනාන්දු (කොළඹ නාලන්දා), කොළඹ රාජකීය පිලට එරෙහිව ලකුණු 49කට කඩුලු 7ක් දවාලීය. කොෂේන්ද්‍ර ප්‍රනාන්දු (මොරටුව සාන්ත සෙබස්තියන්) පන්දු යැවීමේදී දස්කම් දැක්වීය.
මොරටුව සා. සෙබස්තියන් විදුහලට
ඉනිමක සහ ලකුණු 78ක ජයක්
මහනුවර සා. සිල්වෙස්තර පළමු ඉනිම – 119 (ඕවර 35.5) පියුමක කරුණාරත්න 33, ගගන ලංකේශ්වර 30, විදුසර ගනේගොඩ 22 (කොෂේන්ද්‍ර ප්‍රනාන්දු 23/6, මලින්ත සිල්වා 23/3) සහ දෙවැනි ඉනිම – 126 (ඕවර 29.3) කවීෂ චන්දිමාල් 60 (මලින්ත සිල්වා 59/7, රයන් දිසානායක 28/2)
සා. සෙබස්තියන් පළමු ඉනිම – 323/7 (ඕවර 79.4) රයන් දිසානායක 139, නවෝද් ප්‍රනාන්දු 58, කවීෂ පෙරේරා 48, ලෂේන් ප්‍රනාන්දු 38, අදේෂ් අල්මේදා 24 (කවීෂ චන්දිමාල් 20/2)
කොළඹ රාජකීය-නාලන්දා
තරගය ජය පැරදුම් නෑ
කොළඹ රාජකීය පළමු ඉනිම – 185 (ඕවර 57.1) ඉසුල ගීගනගේ 47, රෙහාන් පීරිස් 37, යසිඳු දිසානායක 25, ෂේන් අබේරත්න 23 (මල්ෂ ප්‍රනාන්දු 49/7, මෙතුල රන්දුල් 40/2) සහ දෙවැනි ඉනිම – 152/4 (ඕවර 54) රෙහාන් පීරිස් 65, තෙවිඳු වේවැල්වල 37 (හසිත් රත්නායක 58/2)
කොළඹ නාලන්දා පළමු ඉනිම – 244 (ඕවර 86.4) මනුප මන්මිත 53, ඔසඳ පමුදිත 53, සත්මිණ සේරසිංහ 49, සන්තුල් විජේරත්න 22, නෙමිඳු අක්මීමණ 30 (රනුක මලවිආරච්චි 80/3, තෙවිඳු වේවැල්වල 17/2, යෙනුල බණ්ඩාර 40/2)
ඉෂානි යද්දෙහි
