ලොව ප්‍රමුඛතම විශ්වවිද්‍යාල සහ උසස් අධ්‍යාපන ආයතනවල දේශීය අනුබද්ධ සරසවියක් ලෙස 2019 වසරේ සිට මෙරට උසස් අධ්‍යාපනය සඳහා සුවිසල් මෙහෙවරක් ඉටුකරන පයනියර් ජාත්‍යන්තර සරසවියේ (Pioneer international campus) වාර්ෂික උපාධි ප්‍රදානෝත්සවය මහනුවර, පොල්ගොල්ල මහින්ද රාජපක්ෂ ශ්‍රවණාගාරයේ දී පැවැත්විණි.
පේරාදෙණිය විශ්ව විද්‍යාලයේ කළමනාකරණ පීඨයේ පීඨාධිපති මහාචාර්ය රවීන්ද්‍ර කුරුප්පුගේ, ජාත්‍යන්තර සම්මානලාභී විද්‍යාඥ ආචාර්ය නන්ද ගුණවර්ධන මහත්වරු සහ විශ්ව විද්‍යාල ක්ෂේත්‍රයේ කීර්තිමත් කථිකාචාර්යවරුන් රැසකගේ මූලිකත්වයෙන් මෙම උපාධි ප්‍රදානෝත්සවය සිදුවිය.
ලොවම පිළිගන්නා ජාත්‍යන්තර සම්භාවනාවට පාත්‍ර වූ QUALIFI- UK, ලින්කන් විශ්ව විද්‍යාලය – මැලේසියාව, UK-CKA සහ CRQ-UK යන පයනියර් ජාත්‍යන්තර සරසවියට අනුබද්ධ උසස් අධ්‍යාපන ආයතන යටතේ තොරතුරු තාක්ෂණය, ව්‍යාපාර කළමනාකරණය, ඉoග්‍රීසි, මානව සම්පත් කළමනාකරණය (HRM) යනාදී ක්ෂෙත්‍රයන් පිළිබඳව සිය අධ්‍යයන පාඨමාලාවන් සාර්ථකව සම්පූර්ණ කළ 200 ට අධික පිරිසක් අදාළ සහතික පත්‍ර, ඩිප්ලෝමා, උසස් ජාතික ඩිප්ලෝමා (HND) පශ්චාත් උපාධි ඩිප්ලෝමා සහ පශ්චාත් උපාධි මෙහිදී ලබා ගත්හ.
ලෝකයේ උසස් අධ්‍යාපනික නිර්ණායකයන්ට පූර්ණ ලෙස අනුගතව සාධන මට්ටමෙන් ඉතාමත්ම ඉහළ ජාත්‍යන්තර අධ්‍යාපනයක් මෙරට ශිෂ්‍ය ප්‍රජාවට ලබාදීමේ සිය මෙහෙවර තවදුරටත් පුළුල් කරමින් පයනියර් ජාත්‍යන්තර සරසවිය සඵලදායී අධ්‍යාපනික ව්‍යාපෘති රැසක් ද මේ වනවිට දියත් කර ඇති අතර කාලීන අවශ්‍යයතාවයන් සඳහා දේශීය භූමිකාව මෙහෙයවන පයනියර් ජාත්‍යන්තර සරසවිය සිය දැක්ම දේශයේ උන්නතිය උදෙසා කේන්ද්‍ර ගතකොට ඇත.
මහින්ද අලුත්ගෙදර
