35
නීති විරෝධී ලෙස මැතිවරණ ප්‍රචාරක කටයුතුවල නිරත වූ හිටපු අමාත්‍ය අරුන්දික ප්‍රනාන්දු මහතාගේ ආධාරකරුවන් හතර දෙනෙකු සමග වෑන් රථයක් හලාවත මුලස්ථාන පොලීසිය විසින් ඊයේ (14 ) පස්වරුවේ අත්අඩංගුවට ගෙන ඇත.
මාර්ගයේ ගමන් කළ පුද්ගලයෙකු විසින් ලබා දුන් වීඩියෝවක් මත හලාවත සහකාර පොලිස් අධිකාරී ධම්මික හපුගොඩ මහතාගේ උපදෙස් පරිදි හලාවත මුලස්ථාන පොලිස් පරීක්ෂකවරයාගේ ප්‍රධානත්වයෙන් සිදු කෙරුණු මෙහෙයුමකදී මේ අත්අඩංගුවට ගැනීම සිදු කර ඇත.
රථයේ ගිය පුද්ගලයන් විසින් ස්ථාන කිහිපයකදී අරුන්දික ප්‍රනාන්දු හිටපු අමාත්‍යවරයාගේ අංකය හා පක්ෂය සඳහන් කොළ කැබලි විසි කරන අයුරු මේ වීඩියෝවේ දැක්වෙන අතර ඒ අනුව පොලීසියට මේ වාහනය හා සැකකරුවන් අත්අඩංගුවට ගැනීමට හැකියාව ලැබී තිබේ.
හලාවත මූලස්ථාන පොලීසිය වැඩිදුර පරීක්ෂණ පවත්වයි
පුත්තලම දිසා සමූහ – ප්‍රසාද් පුර්ණමාල්
