23
දහම් පාසල් අතර පැවැත්වූ මහර ප්‍රාදේශීය සිසු නිපුණතා ඇගයීමෙන් ජයග්‍රහණය කළ සිසු දරුවන්ට සහතිකපත් හා ත්‍යාග ප්‍රදානය කිරීම සහ ගුරු උපහාර පුද කිරීමේ උත්සවය, සමස්ත ලංකා ශාසනාරක්ෂක මණ්ඩලයේ ප්‍රධාන ලේඛකාධිකාරි මුගුණුවෙල අනුරුද්ධ නාහිමියන්ගේ ප්‍රධානත්වයෙන් කිණිගම ශ්‍රී ජයසේකරාරාම විහාරස්ථාන පරිශ්‍රයේදී මෙම 17 වැනි දින පස්වරු 2.00ට පැවැත්වේ. මහර (2) ශාසනාරක්ෂක මණ්ඩලයේ ලේඛකාධිකාරි මාතලේ සුමනවංස සහ මහර (2) ශාසනාරක්ෂක මණ්ඩලයේ සභාපති ගල්කිරියාගම සීලානන්ද යන නාහිමිවරුන්ගේ මෙහෙයවීම යටතේ මෙම උත්සවය පැවැත්වෙයි. මීට ගම්පහ ශාසනාරක්ෂක මණ්ඩලයේ ප්‍රධාන ලේඛකාධිකාරි තෝරපිටියේ ආනන්ද නාහිමියන් ඇතුළු ගිහි පැවිදි ආරාධිතයන් පිරිසක් සහභාගි වීමට නියමිතය.
