36
දිවයිනේ වායුගෝලයේ ඊයේ (06) මීදුම් වැනි තත්ත්වයක් දක්නට ලැබුණු අතර මෙම තත්ත්වය අද (07) දිනයෙන් පසුව පහව යනු ඇති බව ජාතික ගොඩනැඟිලි පර්යේෂණ සංවිධානයේ අධ්‍යක්ෂ සරත් ප්‍රේමසිරි මහතා පැවසීය.
සාමාන්‍යයෙන් සෑම වර්ෂයකම මෙම කාලවකවානුවේ පවතින සුළං රටාව අනුව ශ්‍රී ලංකාවට උතුරු දෙසින් ඇති රටවල් දෙසින් හමන සුළඟත් සමඟ පැමිණෙන දූවිලි අංශු ප්‍රමාණයන් නිසා මෙරට වායුගෝලයේ මෙවන් තත්ත්වයන් ඇති වන බව ද ඔහු සඳහන් කළේය. ඊයේ (11) පැවැති එම තත්ත්වය අද පස්වරුව වන විට පහව යනු ඇතැයි සිතන බව ද කී සරත් ප්‍රේමසිරි මහතා ඊසාන දිග මෝසම් කාලය තුළ වරින්වර මෙවැනි තත්ත්වයන් ඇති විය හැකි බව ද කීය. මෙම තත්ත්වය වඩා අන්තරාකාරී තත්ත්වයකට පැමිණේ නම් මධ්‍යම පරිසර අධිකාරිය ඒ පිළිබඳ ජනතාව දැනුවත් කරණු ඇති බවද සරත් ප්‍රේමසිරි මහතා පැවසීය.
