කොළොන්නාව ශ්‍රී අබේසිංහාරමවාසීව වැඩ විසූ ශාස්ත්‍රෙව්දී පණ්ඩිත හක්මන විපුලවංශ නාහිමියන් අපවත් වී තෙමසක් පිරීම නිමිති කොටගෙන විශේෂ පින්කම් මාලාවක් අද (31) කොළොන්නාව ශ්‍රී අබේසිංහාරමයේදී පැවැත්වේ.
ශාස්ත්‍රෙව්දී පණ්ඩිත හක්මන විපුලවංශ නාහිමිපාණන් වහන්සේ ශ්‍රී ලංකා විද්‍යෝදය විශ්ව විද්‍යාලයේ සමාරම්භක මුල්ම විද්‍යාර්ථ කණ්ඩායමේ කෙනෙකි. උන් වහන්සේ අපවත් වනවිට වයස 97ක්ද සසුන්ගත වී වසර 82ක් ද වූහ. විද්‍යෝදය විශ්ව විද්‍යාලයේ මුල්ම ශිෂ්‍ය කණ්ඩායමේ ජීවතුන් අතර සිටි තිදෙනාගෙන් එක් අයකු ලෙස ද උන්වහන්සේ සැලකූහ. 1929 ජුලි මස 17 වැනි දින මාතර හක්මන කන්දෙගොඩ ග්‍රාමයේ උපත ලද උන්වහන්සේ 1942 අප්‍රේල් මස 21 වැනි දින සසුන්ගත විය. දෙමටගොඩ වේළුවන මහ පිරිවෙණෙහි හා බොරැල්ල සිරි සුමණ මහ පිරිවෙණෙහි පරිවේණාධිපතීන් වහන්සේ ලෙස සේවය කළ උන්වහන්සේ අපවත් වන තෙක් කොළොන්නාව ශ්‍රී අබේසිංහාරාමය මුල් කරගෙන සකල ජන ධර්ම ඥානය පෝෂණය කිරීමටත්, නිවැරදි දහම් මඟ, ජීවන මඟ සාදා දීමටත්, අපරිමිත වෙහෙසින් කැපවීමෙන් කටයුතු කළහ.
