45
වරුණගම, කොටවෙහෙරගල ශ්‍රී ආලෝක දහම් පාසලේ ළමුන් සඳහා උදෑසන ආහාරය සහ පැළ බෙදා දීමේ වැඩසටහනක් ඉකුත් දා (27) දහම් පාසල් පරිශ්‍රයේදී පැවැත්විණ.
මීට සමගාමීව දැනුම මිනුම සහ කථික තරග පවත්වා ඉන් ජයග්‍රහණය කළ සිසු සිසුවියන්ට ත්‍යාග ප්‍රදානය කිරීම ද සිදු කෙරුණු අතර, පාසල සඳහා ලිපිද්‍රව්‍ය කට්ටල බෙදා දීමක් ද සිදු විය. මෙහිදී දහම් පාසල් සිසුන් සඳහා කටු අනෝදා, කිලෝ පේර හා කොස් පැළ ලබා දුන් අතර, වැල්ලවාය එක්සත් වෙළෙඳ සංගමය සහ ග්‍රී ලංකා ගුවන් හමුදාව විසින් එම පැළ සපයා තිබිණ.
උදෑසන ආහාර වේල හා ත්‍යාග සඳහා කොට්ඨාසයේ දැව බලපත්‍රලාභීන් විසින් අනුග්‍රහය ලබා දෙන ලදි. වැල්ලවාය ප්‍රාදේශීය ලේකම් රවීන්ද්‍රා මාලනී මහත්මිය ද මෙම අවස්ථාවට සහභාගි වූවාය.
