23
මාතලේ මහ නගර සභාවට අයත් ට්‍රැක්ටරයක ට්‍රේලරය ගැලවී යාමෙන් සිදු වූ අනතුරකින් පාසල් සිසුවකු හා එහි ගමන් කළ නගර සභා සේවකයින් සිව්දෙනකු තුවාල ලබා මාතලේ දිස්ත්‍රික් මහ රෝහලට ඇතුළත් කළ බව මාතලේ පොලිසිය පවසයි. පෙරේදා (29) දහවල් 1.40ට පමණ කූඹියන්ගොඩ ප්‍රදේශයේ සිට මාතලේ නගරය වෙත වැලි ප්‍රවාහනය කරමින් තිබූ නගර සභා ට්‍රැක්ටරයේ පිටුපස ට්‍රේලරය මාතලේ පුස්තකාලය අසලදී ගැලවී යාමෙන්, එම ට්‍රේලරයේ පිටුපස ගමන් කළ නගර සභා සේවකයින් සිව්දෙනකු හා පාසල් නිම වී නිවෙස වෙත පාර අයිනේ ගමන් කරමින් සිටි පාසල් සිසුවකුට තුවාල සිදු වී තිබේ. සිද්ධියෙන් තුවාල ලැබූ පාසල් සිසුවා හා මහ නගර සභා සේවකයින් සිව්දෙනා මාතලේ දිස්ත්‍රික් මහ රෝහලේ ප්‍රතිකාර ලබන අතර, සිද්ධිය පිළිබඳ පරීක්ෂණ කටයුතු මාතලේ පොලිසිය මඟින් සිදු කරනු ලබයි.
