“සෙනෙහසේ සිත්තම් දැක්ම” නමින් සංවිධාන කළ සිතුවම් දැක්මක් වැලිමඩ වංගියකුඹුර ජාතික පාසලේදී දින තුනක් පුරා පැවැත්විය.
පාසලේ විදුහල්පති ජී.ඒ. අනුර විජේසිරි මහතාගේ උපදෙස් පරිදි විත්‍ර ගුරුවරුන් වන චමින්දනී රූපසිංහ, කුසුම් ප්‍රදීපනී දිසානායක සහ හංසනී ලක්රුවනි යන මහත්මීන්ගේ මූලිකත්වය ඇතිව මෙම සිතුවම් දැක්ම සංවිධාන කර තිබූ අතර මෙම සිතුවම් දැක්ම සඳහා විද්‍යාලයේ දරු දැරියන්ගේ දෑතින් සිතුවම් කළ සිතුවම් දහසකට අධික ප්‍රමාණයක් එක් කර තිබිණ.
කලබලකාරි ළමා මානසිකත්වයට යම් නිස්කලංක, සන්සුන් මනසක් ඇති කරමින් යහපත්වූ මානසිකත්වයක් පාසල් දරු දැරියන් තුළ ඇති කරමින් පරිසරයට ඇලුම් කරන දරු පිරිසක් බිහි කිරීමේ අරමුණ ඇතිව විෂය සමගාමි වැඩසටහනක් ලෙස විද්‍යාලයේ ගුරුවරුන්ගේ ද සහාය ඇතිව සියලු දරු දැරියන්ගේ දායකත්වය ඇතිව මෙම සිතුවම් දැක්ම සංවිධාන කළ බව විදුහල්පති අනුර විජේසිරි මහතා පවසයි.
