Home » පෙම්වතිය ඝාතනය කළ පෙම්වතා රිමාන්ඩ්

පෙම්වතිය ඝාතනය කළ පෙම්වතා රිමාන්ඩ්

by yasara
October 31, 2024 4:27 pm 0 comment

ඉකුත් 29 වැනිදා රාත්‍රියේ දියලගොඩ මුහුදු වෙරළේදී තම පෙම්වතියට ගලකින් පහරදී ඝාතනය කළ බව කියන පෙම්වතා නොවැම්බර් මස 13 දින දක්වා රක්ෂිත බන්ධනාගාර ගත කරන ලෙස කළුතර වැඩ බලන මහේස්ත්‍රාත් සම්පත් පායෝ මහතා අද (31) නියම කළේය .

මෙසේ රක්ෂිත බන්ධනාගාරයට නියම වූයේ මග්ගොන පදිංචිකරුවෙකු වූ කුලහින්නගේ දිනිදු ජනිත් (අවු 18 ) නම්වූ අයටය .

පයාගල ,පහලගොඩ පදිංචි දැරණියගලගේ තරුෂි සෙව්මිනි පීරිස් (අවු 19) යන අය මෙම සිද්ධියෙන් මිය ගොස් තිබුණි .

තුවාල ලබා සිටි තරුණිය සැකකාර පෙම්වතා හා ඔහුගේ මිතුරෙකු විසින් 1990 ගිලන් රථයක් මගින් කළුතර නාගොඩ ශික්ෂණ රෝහලට ගෙන ගොස් තිබූ අතර එහි ප්‍රතිකාර ලබමින් සිටියදී ඇය මිය ගොස් තිබූ බව පොලිසිය කියයි .

කළුතර වැඩ බලන මහේස්ත්‍රාත්වරයා සිද්ධියවූ ස්ථානය හා මළ සිරුර පරීක්ෂා කොට පශ්චාත් මරණ පරීක්ෂණයක් පවත්වා අධිකරණයට වාර්තාවක් ඉදිරිපත් කරන ලෙස කළුතර ශික්ෂණ රෝහලේ අධිකරණ වෙද්‍ය නිලධාරිවරයාට නියම කළේය .

 

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT