වයස අවුරුදු 71 ක් වූ කාන්තාවකගේ අත් පා බැඳ ඇඳේ ගැට ගසා ගෙල බැඳි රුපියල් 2,55,000ක් වටිනා පෙන්ඩනය සහිත රන් මාලය කොල්ල කෑමේ සිද්ධියක් සම්බන්ධයෙන් මීගහතැන්න පොලිසිය පරීක්ෂණ පවත්වයි. පහළ හෙවෙස්ස, රනේපුරගොඩ පදිංචි 71 හැවිරිදි මියනකොලතැන්න හේවගේ රූපවතී යන අය විසින් පොලිසියට කරන ලද පැමිණිල්ලට අනුව මෙම පරීක්ෂණ ආරම්භ කොට තිබේ.
තමා දැනට කොළඹ පදිංචිව සිටින හේමන්ත යන අයට අයත් පැලවත්ත ගොරකදූව පිහිටි නි‍ෙවසේ සිටින ඔහුගේ මව බලා ගන්නා බවත්, ඔහුගේම ඉඩම්වල වැඩ කරන දෙදෙනෙකු පැමිණ රාත්‍රියේ නවාතැන් ගත් බවත් පෙරේදා (27) අලුයම 5.00ට පමණ ඔවුන් කුරුඳු කපන කැත්තක් පෙන්වා බිය ගන්වා තම අත් පා බැඳ ඇඳේ ගැට ගසා පෙන්ඩනය සහිත රන් මාලය ගලවාගෙන ගිය බව ඇය පොලිසියට කර තිබූ පැමිණිල්ලේ සඳහන්වේ.
මීගහතැන්න පොලිසිය මේ පිළිබඳව වැඩිදුර පරීක්ෂණ පවත්වයි.
