29
ලෝක පරිසර දිනයට සමගාමීව පේරාදෙණිය විශ්වවිද්‍යාලයේ සීරෝ ප්ලාස්ටික් සංවිධානය මඟින් සංවිධානය කරන ලද පරිසරය පිරිසිදු කිරීමේ පාගමනක් ඉකුත් 26 වැනිදා ගලහ හන්දියේ සිට මහනුවර කිංග්ස්වුඩ් විදුහල දක්වා ගමන් කෙරිණි.
මෙම සීරෝ ප්ලාස්ටික් සංගමය ලංකාව පුරා පවතින විශ්වවිද්‍යාල, පාසල් ඇතුළු විවිධ ආයතන කේන්ද්‍ර කර ගනිමින් පිරිසිදු කිරීමේ පාගමන් සංවිධානය කර තිබුණු අතර, මෙම වැඩසටහන ද එහි තවත් අදියරක් විය. මෙහිදී ගලහ මංසන්ධියේ සිට කිංග්ස්වුඩ් විදුහල තෙක් මාර්ගය දෙපස තිබුණු පොලිතීන්, ප්ලාස්ටික්, බෝතල්, ටින්, කඩදාසි ආදී සියල්ල වෙන වෙනම එකතු කෙරුණු අතර, පාගමන කිංග්ස්වුඩ් විද්‍යාලය අසලින් අවසන් කර වෙන් කරන ලද කසළ, නගර සභා කසළ එකතු කිරීමේ අංශයට ලබාදීම සිදුවිය.
