පුත්තලම නගරයේ ත්‍රිරෝද රථ දෙකක් මුහුණට මුහුණ ගැටී සිදුවු අනතුරීන් හත් දෙනෙකු තුවාල ලබා පුත්තලම මූලික රෝහලට ඇතුළත් කර ඇති අතර එක් අයකුට බරපතළ බව පුත්තලම මූලස්ථාන පොලිසිය පවසයි. මෙලෙස අනතුරට ලක්ව ඇත්තේ පුත්තලම නාගවිල්ලුව ප්‍රදේශයෙ පදිංචිකරුවන් පිරිසක් හා පුත්තලම සිට මුන්දලම දෙසට ගමන් ගනිමින් සිටි පිරිසක් බව පොලිසිය පවසයි.
පොලිසිය පවසන්නේ ත්‍රිරෝද රථ දෙක මුහුණට මුහුණ ගැටී මෙම අනතුර සිදුව ඇති බවයි. අනතුරින් සිව් හැවිරිදි දැරිවියන් දෙදෙනෙකු, අවුරුදු 8 හා 11 වයස්වල පිරිමි දරුවන් දෙදෙනෙකු, අවුරුදු 28 හා 35 කාන්තාවන් දෙදෙනෙකු හා එක් ත්‍රීවිලර් රථ රියැදුරේකු බරපතළ තුවාල ලබා ඇති බවයි.
පොලිසිය පවසන්නේ එක් ත්‍රිරෝද රථ රියදුරුවකුගේ නොසැලකිලිමත් ලෙස ත්‍රිරෝද රථය ධාවනය කිරීමත් සමඟ මාර්ගයෙන් ප්‍රතිවිරුද්ධ දිශාවට ඇදි ගොස් අනෙක් පසින් පැමිණි ත්‍රිරෝද රථයේ ගැටී මෙම අනතුර සිදුව ඇති බවයි.
අනතුරින් බරපතළ තුවාල ලැබූ තුවාලකරු සමඟ සෙසු තුවාලකරුවන් කඩිනමින් පුත්තලම මූලික රෝහලට වෙත රැගෙන යෑමට අවට සිටි පිරිස් කටයුතු කර තිබිණි. පුත්තලම මූලස්ථාන පොලිසියෙ රථවාහන අංශය පරීක්ෂණ ආරම්භ කර ඇත.
