බොහෝ පක්ෂවල තිබුණේ සැලුන් දොරවල්. නමුත් අපේ පක්ෂයේ අපි මයික් එක සලකුණ වශයෙන් ගන්න අතරම අපි අපේ පක්ෂයේ නාමයෝජනා දෙද්දි අපි පෙනේරය කියන එක අපි පාවිච්චි කළා. පෙනේරය දාලා බලද්දී මැණික් හම්බ වෙනවා. ඩයමන්ඩ් හම්බ වෙනවායැයි එක්සත් ප්‍රජාතන්ත්‍රවාදී හඬ පක්ෂයේ නායක රන්ජන් රාමනායක මහතා පවසයි.
ඔහු ඒ බව කියා සිටියේ බදුල්ල දිස්ත්‍රික්කයට තරග වදින අපේක්ෂක කණ්ඩායම හඳුන්වා දීමට පසුගියදා (23) රාත්‍රී බදුල්ල කැපිටල් සිටි හෝටලයේ පැවති හමුවකට එක් වෙමිනි.
එහිදී වැඩිදුරටත් රන්ජන් රාමනායක මහතා මෙසේද පැවසීය.
ඒ පෙනේරයට දාලා බලන කොට මුලින්ම ඩයමන්ඩ් වඩිවෙල්,ඩයමන්ඩ් දිල්ශාන්,ඩයමන්ඩ් පැතුම් කර්නර්,ඩයමන්ඩ් රවි කුමුදේශ් හම්බ වුණා.මේ අයත් හම්බ වුණා තවත් බොහෝ අයත් ඉන්නවා පෝලිමේ. ෆිල්ටර් කරලා තමයි ගන්න වෙන්නේ.එක දිගට ගන්න විදිහක් නෑ. බොහෝ ඉල්ලීම් ගලාගෙන ආවත් පිරිසුදු අලුත් පක්ෂයක් නිසා.දැන් හැමෝම දන්නවා එක්සත් ප්‍රජාතන්ත්‍රවාදී හඬ කියලා පක්ෂයක් ඇවිත් තිබෙනවා.ඒකට විවිධ ආගම් ජාතිවල විවිධ පුද්ගලයන් අපට උදව් කරනවා. අපි හිතනවා පාර්ලිමේන්තුවේ අලුත් පක්ෂයට ඉඩ කඩක් තිබෙනවා කියලා.දෙසිය විසි පහෙන් සියලුම දේ ආණ්ඩු පක්ෂයට යන්නේ නෑ.අපටත් ඉඩක් දෙන්න කියන ඉල්ලීම තමයි අපි කරන්නේ යැයිද පවසීය.
මහාමැතිවරණය කැඳවීමේ කාල වේලාව එක්ක අප පක්ෂය තීරණය කලා දිස්ත්‍රික් විසි පහෙන් නවයකට තරග කරන්න. ඒ නිසා එම දිස්ත්‍රික්ක නවයේ ඉන්න අපේක්ෂකයින් ප්‍රවර්ධනය කිරිමට හා ඔවුන් ධෛර්යවත් කිරීමට අපේ පක්ෂයේ මහලේකම් ඇතුළු කිහිපදෙනෙකු ඔවුන් එම දිස්ත්‍රික් වලට ගිහින් හම්බ වෙමු කියලා යෝජනා කලා ඒ අනුව තමයි අපි බදුල්ලට එන්නේ.
මම පහුගිය ටිකේම අපේ පක්ෂය ගැන මාධ්‍යයට ඇවිල්ලා ප්‍රකාශ නිකුත් කළාම අපි අලුත්ම පක්ෂයක හදන්න හේතුව තමයි ජරාජීර්ණ වු ඕජස් ගලපු පක්ෂ අතර අලුත් පක්ෂයකින් එන්න කියලා මට මගේ රසික ජනතාව ඇතුළු අයවලුන් දේශපාලන හිතවතුන් යෝජනා කළා.
ප්‍රබල විපක්ෂයක් තිබිය යුතුයි ආණ්ඩුවකට රටක් ගෙනියන්න අධික බලය දූෂිතයි කියලා කියන හින්දා අපි මෙවර දිස්ත්‍රික් නවයකින් උත්සහ කරන්නේ ප්‍රබලම විපක්ෂය වෙන්න .
අපි ජනතාව විශ්වාස කරනවාප අපි තිත්ත ඇත්ත කකා කරලා ඇත්තටම හිරේ ගියා කියලා තමයි ජනතාව කියන්නේ.
පාර්ලිමේන්තුව තුළ අපේ පක්ෂය ක්‍රියාත්මක වන්නේ හැසිරෙන්නේ ජනතාවාදිව ජනතාවට හිතෛෂීව ජනතා විරෝධී කිසිවක් එක්සත් ප්‍රජාතන්ත්‍රවාදී හඬ කරන්නේ නෑ. ආණ්ඩු පක්ෂය විසින් කිසියම් හොඳ දෙයක් කරනවා නම් හරි දෙයක් කරනවානම් ජනතාවාදී දෙයක් කරනවානම් අපි ඒවාට අත උත්සලා එකඟ වෙනවා ඒ වගේම ජනතා විරෝධී දෙයක් කරනවානම් අපිට එදා ඉඳලා කොන්ද තිබුණා ඒවාට විරුද්ධ වන්න.
හඬපට සිද්ධියට ඇත්තටම සැම්සුන් කම්පනිය තමයි වරද කියන්න ඕනි. මොකද ඒ ෆෝන් එකේ තිබුණා ඩිරේක් රොකෝඩින් සිස්ටම් එක. දැන් අලුතින්ම එන ඇපල් ෆෝන් එකෙත් ඒ සිස්ටම් එක තියෙනවා කියලා රවි කුමුදේශ් මහත්තයා කීවා.
ඇත්තටම සහෝදරයා ලෝකයේ බොහෝ මිනී මැරුම්, ඝාතන, වංචා කප්පම් හොරකම් අල්ලා ගත්තේ සීසීටීවීවලින් හා රොකෝඩින්වලින් වරදක් කරන්නේ නැත්නම් රේකෝඩින්වලට බය වෙන්න ඕනි නෑ. අපේ රජයේ සමහර ආයතන සීසීටීවී දානවා කියලා උද්ඝෝෂණය කළා ඒ ආයතනයේ නම කියන්න මම මේ මොහොතේ කැමති නෑ. ඇත්ත වශයෙන්ම මම මේ හඬපට අතර අපේ රටේ ජනාධිපතිවරුන්, අගමැතිවරුන් සහ මට ඉන්ෆොමේෂන් දුන්නු බොහෝ අයගේ තොරතුරු මා ළඟ තිබුණා මේ තොරතුරු ඉකාම වටිනා තොරතුරු අපේ රටේ එක්නැලිගොඩ ඝාතනය, සොල්දාදුවන් ගොඩක් ගිහිල්ලා අතුරුදන් වුණු අපේ දමිළ තරුණයින්ගේ ඝාතන ලසන්ත වික්‍රමතුංග ඝාතනය, රෝයල් පාක් ගනුදෙනුව, පැන්ඩෝරා පේපර්ස්, වසීම් තාජුඩීන් මේ ඇතුළු සියලුම දේවල් මේ හඬපටවල තිබුණා. නමුත් එය අල්ලාගෙන අත්අඩංගුවට පත්කර ගත්ත විරුද්ධ කණ්ඩායම් රිලීස් කළේ හවස් වරුවේ සමහර අය සමඟ කතා කළ වෙනත් කතා විතරයි ඒ අය පබ්ලිසිටි කරේ ඒවත් එඩිට් කරලා විකෘති කරපු හඬපට තමයි දැම්මේ අර වටිනා කියන ඒවා දැම්මේ නෑ. මට පාර්ලිමේන්තුවේ ගරු කථානායකතුමා නියෝග කළේ තියෙන හඬපට එවන්න කියලා මම විසි එකක් දාලා යැව්වා නමුත් ඒක අහලා එකේ ඉන්න නායකයින්ගේ හොරකම් එළිවෙයි කියලා ඒවා විනාශ කරා.
හඬපට තියෙනවා එක්ලක්ෂ හැත්තෑ හයදාහක් තවම නීතිපති එකේ විමර්ශන කරනවාලු ඒවා ඉතාම වටිනා හඬපට. ඒකේ වටිනාකම නැති කරන්න තමයි අරවගේ වෙනත් වෙනත් හඬපට දාලා ඒ සටන දියාරු කරලා නැති කරන්න උත්සාහ කළේ. නමුත් ඒ අය හිටපු හොරු ටික මට කතා කරලා කිව්ව දේවල් ඒ හොරු ටික කප්පම් ගන්න හදන ඒවා ඒවගේ දේවල් රිලීස් කරන්නේ නෑ. මොකද එහෙම වුණොත් ලොකු ප්‍රශ්ණවලට මුහුණ දෙනවා ඉදිරියේදි ඒවගෙන් ප්‍රයෝජනයක් ගන්න මේ ආණ්ඩුවෙන් මට ආරාධනා කළොත් මම ඒවා ඉදිරිපත් කරලා ඒ චුදිතයන්ට නිසි දඬුවම් දෙන්න මම ඒවා ඉදිරිපත් කරනවා.
