32
ඊශ්‍රායල ජාතිකයන්ට හදිසි අවශ්‍යතාවකදී දැනුම් දීම සඳහා 071- 8592651 දුරකතන අංකය පොලිස් මූලස්ථානය මඟින් හඳුන්වා දී තීබේ.
සංචාරකයන් වශයෙන් හෝ වෙනත් අවශ්‍යතාවන් සඳහා ශ්‍රී ලංකාවට පැමිණ සිටින ඊශ්‍රායල ජාතිකයකුට යම් පෞද්ගලික ආරක්ෂාවක් සපයා ගැනීමට අවශ්‍ය බව පෙනී යන්නේ නම් එම විශේෂ දුරකතන අංකය ඍජුව අමතා අවශ්‍ය සහයෝගය ලබාගත හැකි බව පොලිස් මූලස්ථානය සඳහන් කරයි.
මෙම දුරකතන අංකය පොලිස් සංචාරක හා නාවික දිසාව භාර නියෝජ්‍ය පොලිස්පති දමයන්ත විජය ශ්‍රී මහතාගේ වන අතර ඒ මහතා විසින් අවශ්‍යතාව පිළිබඳ සොයා බලා සුදුසු ක්‍රියාමාර්ග ගැනීමට කටයුතු කරනු ඇත. තොරතුරු ලබාදීමේදී ඔබගේ අනන්‍යතාව තහවුරු කර ගැනීම අවශ්‍ය බැවින් ඒ මහතා විසින් විමසන තොරතුරු ලබාදීමට කාරුණික වන ලෙස ද පොලිස් මූලස්ථානය ඉල්ලා සිටී.
