39
මොනරාගල ප්‍රාදේශීය සභාවේ පවිත්‍රතා කටයුතු සිදුකරන සුළු සේවකයින් දෙදෙනකුට පහරදුන්නේ යැයි පවසමින් ඉකුත් (23) සවස මොනරාගල ප්‍රාදේශීය සභාවේ සේවක සේවිකාවන් ප්‍රාදේශීය සභාව ඉදිරිපිටදී පෝස්ටර් සහ බැනර් ප්‍රදර්ශනය කරමින් උද්ඝෝෂණ ව්‍යාපාරයක නිරත වූහ. සභාවේ සේවකයින් දෙදෙනෙකු ප්‍රාදේශීය සභාවේ ට්‍රැක්ටර් රථයෙන් කසළ ඉවත්කරමින් සිටියදී නගරයේ සුළු ව්‍යාපාරයක් පවත්වාගෙන යන අයකුගේ කඩයේ ට්‍රැක්ටරය හැපුණු බව පවසමින් ඔහු විසින් සේවකයින් දෙදෙනාට පහරදී ඇත. පහරකෑමට ලක්වූ සේවකයෙක් මේ වන විට මොනරාගල මහ රෝහලේ ප්‍රතිකාර ලබයි.
