කොළඹ රාජකීය විද්‍යාලයීය සංගමය විසින් සිය ආයතනික සමාජ වගකීම් ව්‍යාපෘතියක් (CSR) වශයෙන් වාර්ෂිකව සංවිධානය කරනු ලබන අධ්‍යාපනික හා රැකියා ප්‍රදර්ශනයට (EDEX) සමගාමිව පවත්වනු ලබන දීප ව්‍යාප්ත චිත්‍ර තරගයට නිර්මාණ භාර ගැනීම ඇරඹී තිබේ.
මෙහිදී රජයේ හෝ පෞද්ගලික පාසල්හි මෙන්ම අධ්‍යාපනික ආයතනවල ඉගෙනුම ලබන සිසුවන්ට සිය නිර්මාණ ඉදිරිපත් කර තම කලා කුසලතා දක්වා ඒ සඳහා ඇගයීමක් ලබා ගැනීමට අවකාශ විවර වී පවතී. මෙහිදී 1-3 ශ්‍රේණි සඳහා ප්‍රාථමික කාණ්ඩයෙන්ද, 4-6 ශ්‍රේණි සඳහා කනිෂ්ඨ කාණ්ඩයෙන්ද, 7-9 ශ්‍රේණි සඳහා මධ්‍යම කාණ්ඩයෙන්ද, 10-13ශ්‍රේණි සඳහා ජ්‍යෙෂ්ඨ කාණ්ඩයෙන්ද නිර්මාණ ඉදිරිපත් කළ හැකි අතර, නිර්මාණ A3 (420mm-297mm) ප්‍රමාණයට ඕනෑම මාධ්‍යයක් භාවිත කර වර්ණ ගන්වා 2025 ජනවාරි 4 දිනට ප්‍රථම පහත සඳහන් ලිපිනයට තැපැල් මඟින් හෝ ගෙනැවිත් භාර දිය හැකිය.
විශේෂ හැකියා ඇති දරුවන්ටද මේ තරගය විවෘත වී ඇති අතර, එහිදී 1-6 ශ්‍රේණි සඳහා කනිෂ්ඨ විශේෂ කාණ්ඩයෙන්ද, 7-13 ශ්‍රේණි සඳහා ජ්‍යෙෂ්ඨ විශේෂ කාණ්ඩයෙන්ද නිර්මාණ ඉදිරිපත් කළ හැකිය. සියලු තරගකරුවන් තම නිර්මාණය පිටුපස සම්පූර්ණ නම, උපන් දිනය සහ වයස, පෞද්ගලික ලිපිනය, දුරකතන අංතය, තරග කාණ්ඩය, පාසල/ අධ්‍යාපනික ආයතනය, ශ්‍රේණිය සහ විදුහල්පති/ ආයතන ප්‍රධානි අත්සන හා නිල මුද්‍රාව සටහන් කර තිබිය යුතුය.
EDEX සිතුවම් ශ්‍රී ලංකාවේ ප්‍රථම වතාවට AI ආධාරක චිත්‍ර තරගයක්ද ඇතුළත් කර ඇති අතර, මාතෘකාව – තිරසාරත්වය සඳහා පාරිසරික ආරක්ෂණය වේ. වැඩි විස්තර EDEX නිල facebook පිටුවෙන් සපයාගත හැකිය. ඇමතුම් චාන්දනී 0771147453, 0115521497.
නිර්මාණ එවිය යුතු ලිපිනය: EDEX ලේකම් කාර්යාලය, රාජකීය විද්‍යාල සංගමය, රාජකීය මාවත, කොළඹ 7. ඇමතුම් +94115521497, ෆැක්ස් +942683100, e-mail: info@edex.lk,
web: www.edex.lk
