වේගයෙන් නවීකරණය වන පරිසරයක් තුළ පැරණි යටත් විජිත ඉතිහාසය පිළිබඳ
සාක්ෂි විදහා දක්වන ස්ථානයක් ලෙස කොළඹ කොටුව හැඳින්විය හැකිය. ඉපැරණි
ලෝකයේ චමත්කාරය සහ නාගරීකරණයේ වෙනස්වීම් මැනවින් සම්මිශ්‍රණය වූ මෙම ප්‍රදේශය ශ්රී ලංකාවේ උරුමයන් පිළිබඳ සදාතනික සංකේතයකි. ගාලු මුවදොර පිටිය, ලන්දේසි රෝහල සහ පිටකොටුව වෙළෙඳපල වැනි ඒ ආශ්‍රිතව පිහිටා ඇති ස්ථාන මඟින් සංස්කෘතික හා ඓතිහාසික වැදගත්කමකින් යුත් නූතන නගරයක රිද්මය සහිත පරිපූර්ණ ස්ථානයක් බවට මෙම නගරය පත් කරයි. මෙම සියලුම ලක්ෂණ සමඟ ගෝලීය සංචාරක හා සංස්කෘතික කේන්ද්‍රස්ථානයක් වශයෙන් කොළඹ කොටුවේ ඇති සැබෑ වටිනාකම තවදුරටත් ප්‍රදර්ශනය කිරීමට Fairway අපේක්ෂාවෙන් සිටියි.
1518 දී මුල්වරට පෘතුගීසීන් විසින් ගොඩනංවන ලද කොළඹ කොටුව පසු කාලීනව ලන්දේසීන් සහ බ්‍රිතාන්‍යයන් විසින් පුළුල් කරන ලදී. සිංගප්පූරුවේ Civic District සහ Penang’s George ටවුන් වැනි සුප්‍රසිද්ධ උරුමයන්ට සමාන වූ සෑම අංගයකින්ම කොළඹ කොටුව සමන්විත වේ. යටත් විජිත වෙළෙඳ මධ්‍යස්ථාන ලෙස කලක් පැවැති මෙම නගර වර්තමානය වන විට ඉතිහාසය සහ නවීන අත්දැකීම්වල සංකලනයෙන් සංචාරක ව්‍යාපාරයේ දියුණු මධ්‍යස්ථානයක් බවට පත්ව තිබේ. ඉහළ ගෘහ නිර්මාණ ශිල්පීය ලක්ෂණයන්ගෙන් සහ විවිධ සංස්කෘතීන්ගෙන් පොහොසත් කොළඹ කොටුව ද එම මාවත අනුගමනය කිරීමට සූදානම්ව සිටියි. රෝහල් වීදිය සහ චැතම් වීදිය අතර ලන්දේසි රෝහලට පිටුපසින් පිහිටි Fairway Colombo හෝටලය එම ප්‍රදේශයට නැවුම් ජීවයක් ලබාදීම සඳහා ප්‍රමුඛ කාර්යභාරයක් ඉටු කර ඇත. Fairway Colombo Street Food Festival, Fairway Colombo Art and Jazz on the Street සහ ශ්රී ලංකාවේ සංස්කෘතිය විදහා දක්වන උත්සව වැනි විවිධ ඉසව් පවත්වමින් සංස්කෘතිකමය විචිත්‍රත්වයකින් රෝහල් වීදිය වර්ණවත් කරන Fairway Colombo, ඒ හරහා ශ්රී ලංකාවේ රසයන් සහ කලාව රසවිඳීමට සංචාරකයන්ට ඇරයුම් කරයි.
