Home » මතුගම ආනන්දීය බාලදක්ෂිකාවන් දින 4ක කඳවුර අවසන් කරයි

මතුගම ආනන්දීය බාලදක්ෂිකාවන් දින 4ක කඳවුර අවසන් කරයි

by sachintha
October 22, 2024 3:34 am 0 comment

මතුගම ආනන්ද ශාස්ත්‍රාලය ජාතික පාසලේ බාලදක්ෂිකාවෝ සුහුරු කුසලතා ඔප් නංවමින් පසුගිය 11 වැනිදා සිට දින හතරක් තිස්ස විද්‍යාලයීය භූමිය කේන්ද්‍ර කොටගෙන බාලදක්ෂිකා කඳවුරක් පැවැත්වූහ.

බාලදක්ෂිකා කඳවුරු බලපත්‍රලාභී මතුගම කලාප කොමසාරිස් ශ්‍යාමා තිලකරත්න මහත්මියගේ උපදේශකත්වයෙන් මෙම කඳවුර පැවැත්විණ. ජීවිතයේ අභියෝග ජය ගැනීම වෙනුවෙන් පොතපතේ ශාස්ත්‍රීය දැනුමෙන් ඔබ්බට ගොස් දරුවන්ගේ දක්ෂතා, හැකියා ඔප්නංවමින් කණ්ඩායම් හැඟීමෙන් සාමූහික කටයුතු කිරීමේ කුසලතාවය සහ ජීවිතයේ වගකීම් දැරීම පිළිබඳ අත්දැකිම් දරුවන්ට ලබා ගැනීමට මෙහිදී හැකි විය.

විද්‍යාලයීය විදුහල්පති රන්දුන් ජයලත් මහතාගේ මෙහෙයවීමෙන් ක්‍රියාත්මක කළ බාලදක්ෂිකා කඳවුර විද්‍යාලයේ බාලදක්ෂිකාවන් වන තරංගා ලක්මාලි, නදී වීරසූරිය, පැතුමි සමන්මලී සහ මනෝෂා දිල්හාරි යන ගුරු මහත්මීන් ඇතුළු ශිෂ්‍යාවන් 37 දෙනකුට ධාරානිපාත වර්ෂා මැද අභියෝගාත්මක අත්දැකීමක් ලබා දීමට කටයුතු කරනු දැකිය හැකි විය.

මීගහතැන්න සමූහ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT