20
කලපුගම, කජුවත්ත ඇළේ මාළු ඇල්ලීමට ගිය එක් දරු පියකු දියේ ගිලී මියගොස් ඇති බව මොරොන්තුඩුව පොලිසිය පවසයි.
මෙසේ මියගොස් ඇත්තේ කලපුගම, කජුවත්ත ප්‍රදේශයේ පදිංචිව සිටි 50 හැවිරිදි එරංජිත් සුමින්ද නමැති පුද්ගලයකු බව පොලිසිය පවසයි. මාළු 
ඇල්ලීමට දැලක් එළමින් සිටියදී එම දැලේ පැටලී දියේ ගිලී සිටි පුද්ගලයා ප්‍රදේශවාසීන් විසින් ගොඩගෙන ගෝනදූව ප්‍රාදේශීය රෝහලට රැගෙනවිත් තිබේ. ඒ වනවිටත් ඔහු මියගොස් සිට ඇති බව පොලිසිය පවසයි.
මෘතදේහය ගෝනදූව ප්‍රාදේශීය රෝහලේ තැන්පත් කර ඇති අතර , පශ්චාත් මරණ පරීක්ෂණය සඳහා සිරුර කළුතර නාගොඩ ශික්ෂණ රෝහලට රැගෙන යාමට නියමිතව ඇත.
මොරොන්තුඩුව පොලිසිය මඟින් වැඩිදුර පරීක්ෂණ පවත්වති.
