සෙලින්කෝ ලයිෆ් සමාගමේ වාර්ෂික ක්‍රීඩා උලෙළ පසුගියදා කොළඹ සුගතදාස ක්‍රීඩාංගණයේදී පැවැත්විණි. එහිදී තරගාවලියේ ශූරතාව දිනා ගැනීමට ‘AS’ කණ්ඩායම සමත්වූ අතර, අනුශූරතාව ‘PK’ කණ්ඩායමට හිමිවිය.
සෙලින්කෝ ලයිෆ් සමාගමේ කාර්යමණ්ඩල සමාජිකයන් 1000කට අධික පිරිසක් මේ තරගාවලියට එක් වූ අතර, එහිදී වසරේ හොඳම මලල ක්‍රීඩකයා ලෙස ‘NS/KS’ කණ්ඩායමේ ආර්.එම්. ෆර්සත් සහ හොඳම මලල ක්‍රීඩිකාව ලෙස ‘PK’ කණ්ඩායමේ ජී.කේ.එස්. මධුවන්ති සම්මාන දිනා ගත්හ.
මලල ක්‍රීඩා උලෙළට පෙර ක්‍රිකට්, වොලිබෝල් සහ නෙට්බෝල් කණ්ඩායම් ක්‍රීඩා පසුගිය අගෝස්තුවේදී පැවති අතර, එහිදී පිරිමි ක්‍රිකට් තරගාවලියේ ජය ‘AS’ කණ්ඩායමටත් කාන්තා තරගාවලියේ ජය ‘PK’ කණ්ඩායමටත් හිමි විය. වොලිබෝල් තරගාවලියේ ජය ‘ST’ කණ්ඩායම හිමිකර ගත් අතර, නෙට්බෝල් තරගාවලිය ‘PK’ කණ්ඩායම ජයග්‍රහණය කළේය.
සෙලින්කෝ ලයිෆ් කළමනාකාර අධ්‍යක්ෂ/ ප්‍රධාන විධායක නිලධාරි තුෂාර රණසිංහ මහතාගේ ප්‍රධානත්වයෙන් තරගාවලියේ ජය සංකේත ප්‍රදානය සිදු කෙරිණි.
