ශ්‍රී ලංකාව තුළ පාරිසරික තිරසාරත්වය ප්‍රවර්ධනය කිරීම සඳහා ප්ලාස්ටික් භාවිතය අවම කිරීම වෙනුවෙන් වැඩසටහන් රැසක් ක්‍රියාත්මක කිරීමට ÒZeroPlastic Clean-Up Walk 2024Ó පියවර ගෙන තිබේ.
පසුගිය වසරේදී ZeroPlastic Clean-Up Walk 2023 සාර්ථක වැඩසටහන් ක්‍රියාත්මක කරන ලද අතර එහි සාර්ථකත්වය මත මෙවරත් ප්ලාස්ටික් භාවිතය අවම කිරීම සඳහා වැඩසටහන් ක්‍රියාත්මක කිරීමට සැලසුම් කර ඇත. ඒ අනුව ZeroPlastic Clean-Up Walk 2024 මෙවර පිරිසුදු කිරීමේ පාගමන් සංවිධානය කර තිබෙන අතර එය එළඹෙන 26 වැනිදා පැවැත්වෙන බව එම වැඩසටහනේ ප්‍රකාශකයෙක් සඳහන් කළේය. ලෝක සංචාරක දිනය සහ ලෝක පිරිසුදු කිරීමේ දිනය සැමරීම වෙනුවෙන් මෙය දියත් කෙරෙන අතර මෙම ප්‍රයන්තය පරිසර සංරක්ෂණය ආමන්ත්‍රණය කිරීම පමණක් නොව තිරසර සංචාරක ව්‍යාපාරය සහ ශ්‍රී ලංකාවේ ස්වාභාවික සෞන්දර්යය පවත්වා ගැනීම අතර මනා සම්බන්ධය ද පෙන්වාදෙයි.
මෙහිදී ZeroPlastic Clean-Up Walk 2024 සඳහා ඉලක්ක පවතින අතර එය පිරිසුදු කිරීමේ පාගමන් 100කට වැඩි ගණනක් අයත් වෙයි. ඒ සඳහා සහභාගිවීමට රට පුරා ස්වේච්ඡා පුද්ගලයන් 10,000කට වැඩි පිරිසක් සූදානමින් සිටින අතර විශ්වවිද්‍යාල 14ක් සමඟ එක්ව, ප්ලාස්ටික් කිලෝග්‍රෑම් 100,000ක් පරිසරයෙන් ඉවත් කිරීම සඳහා මුලපිරීමම අපේක්ෂා කරයි. මෙම සාමූහික ප්‍රයත්නය පිරිසුදු හා හරිත ශ්‍රී ලංකාවක් සඳහා දැවැන්ත පියවරක් වන බව ද එම ප්‍රකාශයකයා සඳහන් කළේය.
මෙම වැඩසටහන ක්‍රියාත්මක කිරීමෙහිලා ZeroPlastic නිර්මාතෘ නිශ්ශංක ද සිල්වා, ව්‍යාපෘති කළමනාකරුවන් වන මලීෂ නිර්මාල්, රනුෂි රයෝද්‍යා, ව්‍යාපෘති ප්‍රධානීන් වන මලීෂ දිනුරුවන්, ලක්මි ගුණසේකර, නිර්මාණකරණය අමා පූජනී සහ මහජන සම්බන්ධතා ප්‍රධානී සෙව්මිණී සිතාරා මහත්ම මහත්මීහු කටයුතු කරති.
