Sunday, April 6, 2025
Home » නාමයෝජනා ලැයිස්තුවේ ඩලස්ගේ නමත් නෑ

නාමයෝජනා ලැයිස්තුවේ ඩලස්ගේ නමත් නෑ

by mahesh
October 11, 2024 1:00 am 0 comment

ගන්දර සමූහ - ජයසිරි පේදුරුආරච්චි

පසුගිය ජනාධිපතිවරණයේදී සජිත් ප්‍රේමදාස මහතාගේ ජයග්‍රහණය වෙනුවෙන් සහාය පළ කරමින් සමගි ජන බලවේගය හා සන්ධානගත වූ නිදහස් ජනතා සභාවේ නායක හිටපු පාර්ලිමේන්තු මන්ත්‍රී ඩලස් අලහප්පෙරුම මහතාගේ නම මෙවර මහමැතිවරණය සඳහා මාතර දිස්ත්‍රික්කය වෙනුවෙන් සමගි ජන සන්ධානය මඟින් ඉදිරිපත් කළ නාමයෝජනාවට ඇතුළත්ව නොතිබිණි.

ඊයේ (10) මාතර දිස්ත්‍රික් ලේකම් කාර්යාලයේදී දිස්ත්‍රික් තේරීම් භාර නිලධාරි ගනේෂ අමරසිංහ මහතා වෙත භාර දෙනු ලැබූ සමගි ජන සන්ධානයේ නාමයෝජනාවට ඩලස් අලහප්පෙරුම මහතාගේ නම ඇතුළත්ව නොතිබුණු අතර ඒ පිළිබඳ සිදු කළ විමසීමේදී මාතර සමගි ජන බලවේගයේ දිස්ත්‍රික් නායක බුද්ධික පතිරණ මහතා කියා සිටියේ ඒ සඳහා නිවැරැදි පිළිතුරක් එතුමාගෙන්ම විමසා දැනගන්නා ලෙසයි. ඩලස් අලහප්පෙරුම මහතා නියෝජනය කරමින් තිහගොඩ ප්‍රාදේශීය සභාවේ හිටපු සභාපති නිර්මාල් සමරසිංහ මහතාගේ නම නාමයෝජනා ලැයිස්තුවට ඇතුළත් කිරීමට කටයුතු කළ බව එහි ප්‍රකාශකයකු පැවසීය. ඩලස් අලහප්පෙරුම මහතාගේ නම ජාතික ලැයිස්තුවට ඇතුළත් කරන්නේ ද යන්න පිළිබඳ අද (11) දැනගන්නට ලැබෙනු ඇතැයි එම ප්‍රකාශකයා පැවසීය.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT