907
රංගන ශිල්පී රන්ජන් රාමනායක මහතාගේ දේශපාලන පක්ෂය වන එක්සත් ප්‍රජාතන්ත්‍රවාදී හඬ පක්ෂයෙන් හිටපු ශ්‍රී ලංකා ක්‍රිකට් ක්‍රීඩක තිලකරත්න ඩිල්ෂාන් සහ හිටපු පාර්ලිමේන්තු මන්ත්‍රී වඩිවෙල් සුරේෂ් යන මහත්වරුන් මහ මැතිවරණයට ඉදිරිපත් වන බව අද(09) ප්‍රකාශ කළේය.
මේ බව ප්‍රකාශ කළේ රන්ජන් රාමනායක මහතාගේ දේශපාලන පක්ෂය වන එක්සත් ප්‍රජාතන්ත්‍රවාදී හඬ කොළඹදී අද නිල වශයෙන් එළිදැක්වුණු අවස්ථාවේදීය.
රන්ජන් රාමනායක, එළැඹෙන පාර්ලිමේන්තු මැතිවරණය සඳහා මයික් ලකුණින් තරග වදින සිය ප්‍රතිපත්ති ප්‍රකාශය එළිදැක්වීමත් සමඟ එම පක්ෂය ආරම්භ කෙරුණි.
එක්සත් ප්‍රජාතන්ත්‍රවාදී හඬ සංවිධානයේ ජාතික සංවිධායකවරයා ලෙස ද තිලක්රත්න ඩිල්ෂාන් මහතාව පත් කර තිබේ.
