බුද්ධ පුත්‍රයන් වහන්සේ දෙනමකගේ සහයෝගය ඇතිව මීගොඩ වටරැක නැඟෙනහිර හොරගල ප්‍රදේශයේ අඩු ආදායම්ලාභී දරුවන් සිව් දෙනෙකුගෙන් යුත් පවුලකට නිවසක් ඉදිකර දීම පසුගියදා සිදු විය. මාදුලාව ඩයමන් සිටි චිත්තවිවේකාශ්‍රම‍ෙයහි වැඩ වාසය කරන දංගල බුද්ධසිරි හිමියන්ගේ ඉල්ලීමක් පරිදි අ‍ෙමරිකාවේ ලොස්ඇන්ජලිස්හි ලංකාරාම විහාරස්ථානය, ඉන්දියානු බෞද්ධ මධ්‍යස්ථානය සහ ෆාදර් ජෝන් මෛත්‍රී භාවනා මධ්‍යස්ථානයන්හි විහාරාධිපති කෝට්ටේ රජමහා විහාරයේ විහාරාධිකාරී තලංගම දේවානන්ද හිමියන්ගේ මූලිකත්වයෙන් මෙම නිවස ඉදිකර දීමට කටයුතු කර තිබුණි. මීගොඩ වටරැක නැඟෙනහිර හොරගල පදිංචිව සිටි මිරිස්සගේ සනත් කුමාර මහතා සහ ඔහුගේ බිරිඳට වයස අවුරුදු 17, 13, 04 සහ 02 යන වයස්වල දරුවන් සිව් දෙනෙකි. කුලී වැඩ කරමින් ජීවත් වූ ඔහුට නිවසක් නොමැතිකමින් කුඩා අතු පැලක දුක සේ පදිංචිව සිට ඇත.
මෙම අසරණ දරු පවුල පිළිබඳව චිත්ත විවේකාශ්‍රමයෙහි වැඩ වසන දංගල බුද්ධසිරි හිමියන් විසින් තලංගම දේවානන්ද හිමියන්ට දැනුම් දීමෙන් පසු නි‍ෙවසක් ඉදිකර දීමට පියවර ගෙන තිබිණි. ඒ අනුව ඇමරිකාවේ ලොස්ඇන්ජලිස්හි පදිංචිව සිටින තලංගම දේවානන්ද හිමියන්ගේ විහාරස්ථානයේ කැපකරු දානපතිනියක වන වෛද්‍ය ලලනී මහත්මියගේ මූල්‍යමය උපකාරය මත Òහිසට සෙවණක්Ó වැඩසටහන යටතේ මෙම අසරණ පවුල් සඳහා නව නිවසක් ඉදිකර දීමට තලංගම දේවානන්ද හිමියන් විසින් වැඩ කටයුතු ආරම්භ කර තිබේ. එලෙස වැඩ ආරම්භ කරන ලද කාමර තුනකින් යුත් සුවිසල් නිවෙස අදාළ අසරණ පවුල වෙත ලබාදීම කෝට්ටේ කල්‍යාණි සාමග්‍රී ධර්ම මහා සංඝ සභාවේ උපනාම ලේඛකාධිකාරි ආචාර්ය අලුත් නුවර අනුරුද්ධ නාහිමියන්ගේ ප්‍රධානත්වයෙන් සිදුවිය.
කෝට්ටේ කල්‍යාණී සාමග්‍රී ධර්ම මහා සංඝ සභාවේ උපනාම ලේඛකාධිකාරී ආචාර්ය අලුත් නුවර අනුරුද්ධ නාහිමියන් විසින් සුබ මොහොතින් පීත්තපටිය කපා නව නි‍ෙවසට ගෙවදුණු ආකාරය
