ශ්‍රී ලංකා යුධ හමුදාවේ හැත්තෑ පස් (75) වන සංවත්සර සැමරුමට සමගාමිව යුධ හමුදාවේ සියලු ධජයන් වෙත සෙත් පැතීම ජය ශ්‍රී මහා බෝධීන් වහන්සේ අභියසදී අද (27)පෙරවරුවේ සිදු කළේය .
අටමස්ථානාධිපති පූජ්‍ය පල්ලේගම හේමරතන නාහිමිපාණන් වහන්සේ ප්‍රමුඛ අටමස්ථාන විහාරස්ථාන නා හිමිපාණන් වහන්සේලාගේ අනුශාසකත්වයෙන් සහා ශ්‍රී ලංකා යුධ හමුදාපති ලුතිතන් ජනරාල් විකුම් ලියනගේ මහතාගේ ප්‍රධානත්වයෙන් මෙම පුණ්‍ය කටයුත්ත සිදු කළහ .
ශ්‍රී ලංකා යුධ හමුදාවට අයත් සියලු ධජයන් රැගත් පෙරහැර ජය ශ්‍රී මහා බෝධීන් වහන්සේ වටා පහළ මළුවෙහි තෙවරක් පැද කුණු කිරීමෙන් අනතුරුව ධජයන් ජය ශ්‍රී මහා බෝධීන් වහන්සේ අභියස තැන්පත් කර ආශිර්වාද සිදු කෙරිණ.
පසුව මහා සංඝරත්නය සෙත් පිරිත් සජ්ඣායනා කරමින් සියලු ධජයන් වෙත ආශිර්වාද ගැන්වීම සිදු කළේය .
මිට සමගාමීව ශ්‍රී ලංකා යුධ හමුදාව සහා ලංකා බැංකුව විසින් ඉදි කරන ලද ජය ශ්‍රී මහා බෝධීන් වහන්සේගේ උතුරු වාහල්කඩ අභියස ආරක්ෂිත මුර කුටිය විවෘත කිරීමද සිදු කෙරිණ
තවද අඩු ආදායම්ලාභී පවුල් සදහා ආරක්ෂක සේනා (වන්නි) විසින් ඉදි කරන ලද නව නිවාස කිහිපයක් ලබා දිමද මෙහිදී සිදු කෙරිණ .
අටමස්ථානාධිපති පූජ්‍ය පල්ලේගම හේමරතන ,ලංකාරාමාධිපති පූජ්‍ය රැළ පනාවේ ධම්මජෝති , අනුරාධපුර සම්බුද්ධ ජයන්ති මහා විහාරයේ විහාරාධිපති උතුරු මධ්‍යම දෙදිසාවේ ප්‍රධාන සංඝනායක පූජ්‍ය නුගේතැන්නේ පඤ්ඤානන්ද යන නා හිමිපාණන් වහන්සේලා ඇතුළු මහා සංඝ රත්නය අනුශාසකත්වය සිදු කළ මෙම අවස්ථාවට යුධ හමුදපති ලුතිතන් ජනරාල් විකුම් ලියනගේ මහතා ඇතුළු ජ්‍යෙෂ්ඨ නිලධාරින් රැසක් සහභාගීව සිටියහ .
