Sunday, April 6, 2025
Home » රිමාන්ඩ් වූ පාස්පෝට් ලොක්කා හිරගෙදර N වාට්ටුවේ

රිමාන්ඩ් වූ පාස්පෝට් ලොක්කා හිරගෙදර N වාට්ටුවේ

by mahesh
September 27, 2024 1:00 am 0 comment

බුද්ධිකා ඉඹුලාන

අධිකරණය මඟින් රක්ෂිත බන්ධනාගාරගත කිරීමට නියම කළ හිටපු ආගමන විගමන පාලක ජනරාල් හර්ෂ ඉලුක්පිටිය මහතා කොළඹ රිමාන්ඩ් බන්ධනාගාරයේ ‘එන්’ වාට්ටුවේ රඳවා ඇත.

විවිධ චෝදනා යටතේ රක්ෂිත බන්ධනාගාරගත කළ තවත් රාජ්‍ය නිලධාරීන් 15 දෙනකු එම වාට්ටුවේ ඔහු සමඟ රඳවා ඇතැයි ද බන්ධනාගාර ආරංචිමාර්ග සඳහන් කරයි.

පෙරේදා (25) පස්වරු 5.45ට පමණ කොළඹ රිමාන්ඩ් බන්ධනාගාරයට රැගෙන ආ හිටපු ආගමන විගමන පාලක ජනරාල්වරයා බන්ධනාගාර වෛද්‍යවරයා විසින් පරික්ෂා කර ඇති අතර ඔහු යහපත් සෞඛ්‍ය තත්ත්වයෙන් පසුවන බවට වාර්තා තබා ඇත. ඒ අනුව හිටපු ආගමන විගමන පාලක ජනරාල්වරයා කොළඹ රිමාන්ඩ් බන්ධනාගාරයේ එන් වාට්ටුවේ සෙසු සැකකරුවන් සමඟ රඳවා සිටින බවත් ඔහුගේ ආරක්ෂාව සුරක්ෂිත බවත් බන්ධනාගාර දෙපාර්තමේන්තුවේ උසස් නිලධාරියෙක් පැවසීය.

පසුගිය රජය සමයේ ඊ වීසා නිකුත් කිරීමේ ක්‍රියාවලිය පෞද්ගලික සමාගම් දෙකකට පැවරීමට ගෙන තිබූ තීරණයට එරෙහිව නිකුත් කළ අතුරු තහනම් නියෝගයක් ක්‍රියාත්මක කිරීම පැහැර හැරීම හේතුවෙන් ඔහු රක්ෂිත බන්ධනාගාරගත කෙරිණි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT