ජනාධිපතිවරණය සඳහා නිකුත් කරන ලද ජන්ද කාඩ්පත් 5,000කට ආසන්න ප්‍රමාණයක් බෙදීමට නොහැකි වීම හේතුවෙන් කුරුණෑගල ප්‍රධාන තැපැල් කාර්යාලයේ ඉතිරිව පවතින බව Ò දිනමිණට Ò වාර්තා වී තිබේ.
මේවායින් වැඩි ප්‍රමාණයක් කුරුණෑගල පහළ ගැට්ටුවාන සහ වැහැර ප්‍රදේශයේ පදිංචි ජන්දදායකයන්ගේ බව තැපැල් කාර්යාල ආරංචි මාර්ග සඳහන් කළේය. නියමිත කාලයට තැපැල්කරුවන් විසින් නොබෙදීමෙන් සහ නිවෙස්වල නොසිටීම හේතුවෙන් ජන්ද කාඩ්පත් නොලද පුද්ගලයන් ඒවා ලබා ගැනීමට නොපැමිණීම හේතුවෙන් මෙතරම් ප්‍රමාණයක් මෙවර ඉතිරිව පවතින බව වාර්තා වේ. කෙසේ වෙතත් ජන්ද කාඩ්පත් නොලැබුණු පුද්ගලයන් ඊයේ (20) දිනයේ ද ඒවා ලබා ගැනීමට කුරුණෑගල ප්‍රධාන තැපැල් කාර්යාලය වෙත පැමිණ සිටි ආකාරය දැකගත හැකි විය.
මේ පිළිබඳව කළ විමසීකදී කුරුණෑගල දිස්ත්‍රික් මැතිවරණ කාර්යාලයේ උසස් නිලධාරියකු සඳහන් කළේ එම ජන්ද කාඩ්පත නොමැතිව වුවද වලංගු හැඳුනුම්පතක් ඉදිරිපත් කර ඡන්දය භාවිත කිරීමට අවස්ථාව හිමිවන බවයි.
