39
බේරුවල ධීවර වරාය හරහා ඈත මුහුදේ ධීවර රැකියාවේ නියුතුව සිටි විශාල ධීවරයන් පිරිසක් අද (21) පැවැත්වෙන ජනාධිපතිවරණයට ඡන්දය ප්‍රකාශ කිරීම සඳහා ගොඩබිමට පැමිණි බව ධීවර සංගම් ප්‍රකාශකයෙක් පැවසීය.
බහුදින යාත්‍රා සියයක පමණ පිරිසක් ඊයේ (20) දින වන විට මත්ස්‍ය අස්වැන්න ද රැගෙන බේරුවල ධීවර වරාය පරිශ්‍රයට පැමිණ තිබෙන අතර ඔවුන් දැඩි උද්‍යෝගයකින් හා උනන්දුවෙන් මෙවර ඡන්දය ප්‍රකාශ කිරීමට පැමිණි බව කළ විමසීමකදී සඳහන් කළේය.
එකවර ධීවර යාත්‍රා විශාල ප්‍රමාණයක් මත්ස්‍ය අස්වැන්න ද රැගෙන පැමිණ ඇති ආරංචියත් සමඟ ඊයේ (20) පෙරවරුවේ සිට විශාල ජනතාවක් බේරුවල ධීවර පරිශ්‍රය වෙත මසුන් මිලදී ගැනීමට පැමිණ සිටි අයුරු ද දැක ගත හැකි විය.
