34
මොණරාගල සිට කොළඹ දක්වා ධාවනය වෙමින් තිබූ මගී ප්‍රවාහන පෞද්ගලික බස්රථයක් ඊයේ (20)මාර්ගයෙන් ඉවතට පෙරැළීමෙන් මගීන් 17ක් තුවාල ලබා ඇතැයි මොණරාගල පොලීසිය පවසයි.
පෞද්ගලික බස්රථය ඉදිරියෙන් පැමිණි මෝටර් රථයකට ඉඩදීමට යෑමේදී මෝටර් රථය බස්රථයේ ගැටී ඇත.ඒ අවස්ථාවේ බස්රථය පාරෙන් ඉවතට පෙරැළී ඇති බැව් මූලික පරීක්ෂණවලදී අනාවරණය වී ඇත.බස්රථයේ ගැටුණු මෝටර් රථය නොනවත්වා පළා ගොස් තිබේ.අනතුරෙන් තුවාල ලැබූ මගීන් හත්දෙනෙකු මොණරාගල දිස්ත්‍රික් මහ රෝහලේත් මගීන් දස දෙනෙකු බුත්තල ප්‍රාදේශීය රෝහලේත් ප්‍රතිකාර ලබති. ඔවුන්ගේ තත්ත්වය බරපතළ නොවන බව රෝහල් ආරංචි මාර්ග සඳහන් කරයි. මොණරාගල පොලීසියේ රථවාහන අංශයේ වැඩබලන ස්ථානාධිපති උ.පො.ප නාමල් මහතා පරීක්ෂණ පවත්වයි.
