36
මෙවර ජනාධිපතිවරණයේ දී බලපිටිය මැතිවරණ කොට්ඨාසයේ මාදු ගඟේ මාදූව දූපතේ පිහිටි ඡන්ද මධ්‍යස්ථාන වෙත ඡන්ද පෙට්ටි ප්‍රවාහනය කළේ බළපිටිය ප්‍රාදේශීය සභාවට අයත් බෝට්ටුවක් මගිනි.
මේ දූපත හා ගොඩබිම යා කරන පාලම මේ වන විට අබලන්ව පැවතීම හේතු කොටගෙන මෙසේ බෝට්ටු මඟින් ඡන්ද පෙට්ටිය ප්‍රවාහනය කෙරිණි.
මේ ඡන්ද මධ්‍යස්ථානය මාදූව කනිෂ්ඨ විද්‍යාලයේ පිහිටුවා ඇත.
ඡන්ද මධ්‍යස්ථානයේදී ඡන්ද ප්‍රකාශ කිරීමට ලියාපදිංචි ඡන්දදායකයන් 450ක් සිටිති.
මෙය බළපිටිය ආසනයේ තිබෙන දුෂ්කරම ඡන්ද මධ්‍යස්ථානයකි.
ඡායාරුපය – ගාල්ල අම්බලන්ගොඩ අනුරාධ
