පවුලේ සාමාජිකයින් හවුලේ මත්කුඩු ජාවාරමේ නිරතවෙමින් සිටි බුලත්සිංහල Òකුඩු රාජාÓගේ පවුලේ තවත් සාමාජිකාවක් හෙරොයින් මත්ද්‍රව්‍ය ග්‍රෑම් 5යි, මිලිග්‍රෑම් 470ක් සමඟ ඉකුත් 16 වැනිදා බුලත්සිංහල දී අත්අඩංගුවට ගත් බව බුලත්සිංහල පොලිසිය පවසයි.
මෙසේ අත්අඩංගුවට ගෙන ඇත්තේ බුලත්සිංහල නගරයට කුඩු බෙදාහැරීම සිදු කළ කුඩු පවුලේ සාමාජිකාවක් වන 34 හැවිරිදි කාන්තාවක් බවත් ඇයගේ පවුලේ මව, පියා, සහෝදරයා, නෑනා ඇතුළු පවුලේ සියලුම සාමාජිකයන් හෙරොයින් මත් ද්‍රව්‍ය අලෙවි කිරීම සම්බන්ධයෙන් මේ වන විට සැකකරුවන් වී රක්ෂිත බන්ධනාගාරගතව සිටින අයවලුන් බවද බුලත්සිංහල පොලිසිය පවසයි.
බුලත්සිංහල පොලිසියේ බුද්ධි අංශ නිලධාරියෙකු වන වන්නිනායක මහතාට ලද තොරතුරක් අනුව බුලත්සිංහල පොලිස් ස්ථානාධිපති ප්‍රධාන පොලිස් පරීක්ෂක චන්දන විදානගේ මහතාගේ උපදෙස් මත අපරාධ අංශයේ ස්ථානාධිපති දුලාංජන ඒකනායක මහතා ඇතුළු නිලධාරීන් සිදුකළ වැටලීමකදී සැකකාරිය අත්අඩංගුවට ගෙන තිබේ.
