පොලොන්නරුව – මහියංගණය ප්‍රධාන මාර්ගයේ සඳුන්පුර පාලම අසලදී පෙරේදා (17) රාත්‍රී දහයට පමණ ත්‍රිරෝද රථයක් සහ වෑන් රථයක් එකිනෙක ගැටී වූ අනතුරෙන් අවුරුදු තුනහමාරක් වයසැති පිරිමි දරුවකු එම ස්ථානයේදීම මියගොස් ඇති බව දෙහිඅත්තකණ්ඩිය පොලිසිය පවසයි.
මේ අනතුරින් මියගොස් ඇත්තේ දෙහිඅත්තකණ්ඩිය, බක්මීදෙණිය අංක 249 පදිංචි එම්.එම්. පුලිදු චාතුර්ය නමැති දරුවකු පොලිසිය කියයි.
අනතුරින් ත්‍රිරෝද රථයේ ගමන් ගත් මියගිය දරුවාගේ මව සහ පියා ඇතුළු තිදෙනකු තුවාල ලබා දෙහිඅත්තකණ්ඩිය ප්‍රදේශීය රෝහලට ඇතුළත් කර ඇති බව පරීක්ෂණ කරන දෙහිඅත්තකණ්ඩිය පොලිසිය සඳහන් කරයි.
මේ අනතුරෙන් වෑන් රථයේ රියැදුරු සහ ඔහු සමඟ අනෙත් පුද්ගලයා ද තුවාල ලබා දෙහිඅත්තකණ්ඩිය ප්‍රාදේශීය රෝහලේ ප්‍රතිකාර ලබන බව පොලිසියේ සඳහන් කරයි.
අනතුරට සම්බන්ධ වෑන් රථයේ රියැදුරු දෙහිඅත්තකණ්ඩිය පොලිසිය අත්අඩංගුවට ගෙන ඇත.
ත්‍රිරෝද රථයේ ගමන් ගත් පිරිස හඟුරන්කෙත ඥාති නි‍ෙවසකට ගොස් ආපසු දෙහිඅත්තකණ්ඩිය, බක්මීදෙණිය නි‍ෙවස දක්වා එමින් සිටියදී ත්‍රිකුණාමලයේ සිට දෙහිඅත්තකණ්ඩිය, මැදගම දක්වා ගමන් කරමින් තිබූ වෑන් රථයක ගැටී මේ අනතුර සිදුව ඇති අතර අනතුරට හේතුව වෑන් රථයේ රියැදුරුට නින්ද යෑම බව ද ඒ පිළිබඳ පරීක්ෂණ සිදු කරන දෙහිඅත්තකණ්ඩිය පොලිසිය සඳහන් කරයි.
