රාත්‍රි කාලයේ නාඋල ප්‍රදේශයේ සිදු කළ මුර සංචාරයක දී සිදුකළ රථ වාහන සෝදිසියක දී පුපුරන ද්‍රව්‍ය රැසක් සමඟ සැකකරුවන් සිව්දෙනෙකු අත්අඩංගුවට ගත් බව නාඋල පොලිසිය පවසයි.
ඊයේ (18) අලුයම 3.00ට පමණ නාඋල සිට නිකුල දෙසට ධාවනය වූ ත්‍රිරෝද රථයක් පරීක්ෂා කිරීමේ දී අඩි තුනක් දිග detonator සහිත රතු පැහැති සේවා නූල් පහක්, අගල් අටක් දිග වෝටර් ජෙල් (water jell) කූරු තුනක්, අඩි දෙක – දෙක හමාරක් හා 28 cm විෂ්කම්භයක් ඇති විදින වානේ කටුවක් හා නිල් හා ගුරු පාට ඔතන ලද මීටර් පනහක් දිග වයර් රෝලක් පොලිස් භාරයට ගෙන තිබේ.
ඉහත උපකරණ සමඟ ගමන් ගත් සැකකරුවන් සිව්දෙනෙකු ද සැක පිට අත්අඩංගුවට ගත් බව නාඋල පොලිසිය පවසයි.
අත්අඩංගුවට පත් සැකකරුවන් නාඋල, පුස්සැල්ලෑව, උඩතලවින්න සහ වත්තේගම ප්‍රදේශවල පදිංචි වයස අවුරුදු 38, 48 හා 50 යන වයස් කාණ්ඩවල පසුවන්නනන් බව පොලිසිය පවසයි.
සිද්ධියට අදාළ සැකකරුවන් නාඋල මහේස්ත්‍රාත් අධිකරණයට ඉදිරිපත් කිරිමට නියමිතව ඇත.
නාඋල පොලිස්ථානාධිපති ප්‍රධාන පොලිස් පරික්ෂක ටිරෝන් රත්නායක මහතාගේ උපදෙස් පරිදි සැකකරුවන් මෙම පුපුරන ද්‍රව්‍ය කුමන අරමුණකින් නාඋල ප්‍රදේශයට රැගෙගන ආවේද යන්න සම්බන්ධයෙන් විශේෂ පොලිස් කණ්ඩායමක් යටතේ පරික්ෂණ ආරම්භ කර තිබේ.
