80
මෙවර ශිෂ්‍යත්ව විභාගයට පෙනී නියමිතව සිටි දරුවකු හදිසියේ ස්වසන ආබාධ තත්ත්වයකට පත්වීම හේතුවෙන් පසුගිය 14දා දඹදෙණිය මූලික රෝහලට ඇතුළත් කර නේවාසිකව ප්‍රතිකාර ලබමින් සිටිය දී ඊයේ (15) පැවති ශිෂ්‍යත්ව විභාගයට පෙනී සිටීමට අවශ්‍ය බව දරුවා පවසා තිබේ. දරුවාගේ බලවත් ඉල්ලීම නිසා රෝහල් හෙද නිලධාරීන්, සෞඛ්‍ය කාර්ය මණ්ඩලය සමඟ ගිලන් රථයකින් දඹදෙණිය මහා විද්‍යාලයට යැවූ බව දඹදෙණිය මූලික රෝහලේ වෛද්‍ය අධ්‍යක්ෂ අමිල මදුරංග මහතා පැවැසීය. ළමා රෝග අංශයේ විශේෂඥ වෛද්‍ය සඳුන් මහතා හා ළමා රෝග කාර්ය මණ්ඩලයේ මැදිහත්වීමෙන් දරුවාට විභාගයට පෙනී සිටීම සඳහා ඉඩකඩ පහසුකම් සලසා දීමෙන් අනතුරුව නැවතත් රෝහල වෙත රැගෙන ඒමට කටයුතු කළ බව ද වෛද්‍ය අධ්‍යක්ෂවරයා පැවසුවේය.
මාවතගම – ආනන්ද විජේතිලක
