ශ්‍රී ලංකා එත්නෝස්පෝර්ට්ස් සම්මේලනය ශ්‍රී ලංකා ආම් රෙස්ලින් කමිටුව සමඟ එක්ව ආම් රෙස්ලින් (Arm Wrestling) හෙවත් අත් පොර ක්‍රීඩාව සඳහා තේරීම් තරගාවලියක් පසුගියදා පාණදුර සුසිලා ෆිට්නස් ආයතනයේදී පැවැත්විණි. එහිදී වයස් කාණ්ඩ 3ක් යටතේ ක්‍රීඩකයන් 16 දෙනකුගෙන් යුත් සංචිතයක් තෝරා ගෙන තිබේ.
අවුරුදු 18ට අඩු කනිෂ්ඨ අංශය සඳහා ජී.එච්. බොෂේන් (කි.ග්‍රෑ 50), ගිහාන් දිල්ෂාන් (කි.ග්‍රෑ 60), ජී.එච්. බොසිලු (කි.ග්‍රෑ 65), ෂාන් නෙතුර (කි.ග්‍රෑ 70) සහ ශක්‍ය ශ්‍රී කවීෂ්වර (කි.ග්‍රෑ 75) එක්ව ඇති අතර, අවුරුදු 19-23 ජූනියර් යූත් අංශයට යසස් චන්දිර කි.ග්‍රෑ 55), තෙනුර ගවීෂ (කි.ග්‍රෑ 60), ඕෂද ෆොන්සේකා (කි.ග්‍රෑ 65) සහ විශ්ව ශ්‍රී ප්‍රභාෂ්වර (කි.ග්‍රෑ 70) ඇතුළත්ව සිටිති.
ඉෂාර උමේෂ් (කි.ග්‍රෑ 55), රන්තරු නෙසදු (කි.ග්‍රෑ 60), එල්.එස්. බෝපෝආරච්චි (කි.ග්‍රෑ 65), සදීප් ප්‍රනාන්දු (කි.ග්‍රෑ 75), ජනදීප රසාංජන (කි.ග්‍රෑ 85), සදීප් ප්‍රියමාල් (කි.ග්‍රෑ 90) සහ නිපුන් තාරක (කි.ග්‍රෑ 110) වයස අවුරුදු 18ට වැඩි ජ්‍යෙෂ්ඨ අංශයට තෝරා ගැනීමට කටයුතු කර ඇත.
