Home » වසර 20කට පසු දකුණු ආසියානු කනිෂ්ඨ ශූරතාවලියක උස පැනීමේ ඉසව්වට වයඹ පළාතෙන් ක්‍රීඩිකාවක්

වසර 20කට පසු දකුණු ආසියානු කනිෂ්ඨ ශූරතාවලියක උස පැනීමේ ඉසව්වට වයඹ පළාතෙන් ක්‍රීඩිකාවක්

by sachintha
September 11, 2024 1:23 am 0 comment

වසර විස්සකට පසු දකුණු ආසියානු කනිෂ්ඨ ශූරතාවලියක උස පැනීමේ ඉසව්ව සඳහා වයඹ පළාතෙන් ක්‍රීඩිකාවක් සහභාගි වන අතර ඒ, කුරුණෑගල සාරගම ජනාධිපති බාලිකා විද්‍යාලයේ උසස් පෙළ කලා අංශයේ ඉගෙනුම ලබන කශ්මිකා ටමේශි ජයරත්න සිසුවියයි. ඇය දකුණු ආසියානු ශූරතාවලියට සහභාගි වීම සඳහා පෙරේදා (9) ඉන්දියාවේ චෙන්නායි බලා පිටත්ව ගියාය.

2024 ජාතික කනිෂ්ඨ ශූරතාවලියේදී සහ ජාතික කුසලතා ශූරතාවලියේදී මීටර් 1.68ක දක්ෂතාවක් පෙන්වූ ක්‍රීඩිකාවක් ලෙස ඇය මෙම තරගාවලියට සහභාගි වීම සඳහා සුදුසුකම් ලබා ඇති අතර, මීට පෙර දකුණු ආසියානු උස පැනීමේ වාර්තා තැබූ ප්‍රියංගිකා මධුවන්ති ඇගේ පුහුණුකාරිය ලෙස කටයුතු කරයි. ප්‍රියංගිකා මධුවන්ති ක්‍රීඩා උපදේශිකාව සහ අසේල දසනායක උපදේශකවරයා යටතේ පුහුණුවීම් ලබන කශ්මිකා ටමේශි ජයරත්නගේ බලාපොරොත්තුව දකුණු ආසියානු ශූරතාවලියේදී පදක්කමක් හිමිකර ගැනීම බව ඇය කීවාය.

කුරුණෑගල කුමාරි දිසානායක

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT