190
රාගම පොලිස් වසමේ පදිංචි පාසල් සිසුන් දෙදෙනකු ඉකුත් 04 වැනිදා සිට අතුරුදහන්ව ඇති බවට පැමිණිල්ලක් ලැබී ඇති බව පොලිසිය පවසයි.
රාගම, බටුවත්ත ප්‍රදේශයේ පදිංචි මිතුරන් වන පාසල් සිසුන් දෙදෙනකු මෙලෙස අතුරුදහන් වී ඇත. මිතුරන් දෙදෙනකු වන අංක 485/බී/එස්. නාරංගොඩපාලුව, රාගම ලිපිනයේ පදිංචි 11 හැවිරිදි ආර්. එම්. සෙත් මානිතු හා අංක 487 /ඩී /එස්, නාරංගොඩපාලුව, රාගම ලිපිනයේ පදිංචි 13 හැවිරිදි එස්.ඒ.ඊ. ඕෂධ ඉන්දීර යන පාසල් සිසුන් මෙලෙස අතුරුදහන්ව තිබේ. මොවුන් දෙදෙනා එකට සෙල්ලම් කරමින් සිටියදී අතුරුදහන්ව තිබෙන බවට එක් සිසුවකුගේ මවක් හා අනෙත් සිසුවාගේ මිත්තණිය විසින් පොලිසියට පැමිණිලි කරමින් පවසා ඇත. සිද්ධිය සම්බන්ධයෙන් වැඩිදුර විමර්ශන කටයුතු රාගම පොලිස් ස්ථානයේ කාන්තා හා ළමා කාර්යාංශය විසින් සිදු කරනු ලබයි.
