154
කන්තලේ මූලස්ථාන පොලිස් පරිශ්‍රයේ තිබූ දැවැන්ත ඇසතු ගසක් හමා ගිය තද සුළඟට කඩා වැටීමෙන් පෙරේදා (29) වාහන තුනකට හානි සිදුවිය.
හානි වූ වාහන අතරින් එකක් පොලිස් ජීප් රථයක් වන අතර අනෙක් වාහනය පොලිස් කැබ් රථයක් බව පොලිසිය කියයි.මේ වාහන දෙකට සුළු හානි සිදු වී ඇති බව පොලිසිය සඳහන් කරයි.හානි වූ ත්‍රීරෝද රථය පොලිසියේ සේවය කරන පොලිස් සැරයන්වරයකුට අයත් එකක් වන අතර අනතුරෙන් ත්‍රීරෝද රථයට බරපතළ හානි සිදු වී තිබේ.කන්තලේ මූලස්ථාන පොලිස් ස්ථානාධිපති ප්‍රධාන පොලිස් පරීක්ෂක ලින්ටන් වික්‍රමරත්න මහතාගේ මෙහෙයවීම මත ඒ ගස කපා ඉවත් කිරීමට කටයුතු කෙරිණි.
