දරුවෙක් වඩා සිටි මවකට මහ මඟ දී ලිංගික අතවර සිදු කළැයි කොටහේන පොලිසිය විසින් අත්අඩංගුවට ගත් පෞද්ගලික අංශයේ සේවකයකුව ලක්ෂ (5) පහක ශරීර ඇප දෙකක් මත මුදා හැරීමට කොළඹ අතිරේක මහේස්ත්‍රාත් පවිත්‍රා සංජීවනී පතිරණ මහත්මිය ඊයේ (29) නියෝග කළාය.
මෙලෙස ඇප මත මුදා හරිනු ලැබුවේ අල්විස් පෙදෙස කොටහේන කොළඹ දහතුනේ පදිංචි එච්.ඩී. රෝෂාන් නැමැත්තාය.
සැකකරු ලිංගික අතවර සිදු කිරීමේ චෝදනාව තමන් පිළිගන්නා බව විවෘත අධිකරණයේදී ප්‍රකාශ කරන ලදී. වයස අවුරුදු 32ක් වයසැති කාන්තාවක් වන පැමිණිලිකාරිය සිය දරුවා වඩාගෙන ගමනක් යෑම සඳහා මහ මඟ සිටියදී මෙම සැකකරු පැමිණ ලිංගික අතවර කිරීමට තැත් කළ බවට කොටහේන පොලිසිය අධිකරණයට දැනුම් දුන්නේය. ඒ අවස්ථාවේ සැකකරු අධික බීමත්කමින් සිටි බවටද අධිකරණයට කරුණු දැක්විය. ඉදිරිපත් වූ කරුණු සැලකිල්ලට ගත් අධිකරණය සැකකරු හට ලක්ෂ පහක ශරීර ඇප දෙකක් මත මුදා හැරීමට නියෝග කළාය. දස දහසක මුදල් ඇප ලබා දෙන ලෙසද නියම කළාය.
