කැලණිය ප්‍රාදේශීය ලේකම් කොට්ඨාසයේ පෙර පාසල් ගුරුවරුන් සඳහා Òසංහිඳියාවේ ගීතමය කතිකාවතÓ යන මැයෙන් රසවින්දන වැඩසටහනක් පසුගියදා කැලණිය ප්‍රාදේශීය ලේකම් කාර්යාලයීය ශ්‍රවණාගාරයේදී පවත්වන ලදි.
සමාජයේ වගකීම් හා යුතුකම් රාජකාරී කටයුතුවලට කොටු වී සිටින කාන්තාවන්ගේ මෙන්ම පෙර පාසල් ගුරුවරුන්ගේ රසවින්දනය උදෙසා සංගීතය සෞන්දර්යාත්මකව ලබා දීම හා රසවින්දනයට හුරු කරවීම තුළින් සංවේදී සමානාත්මතාව අගයන හා සහජීවනයෙන් සුසැදි අනාගත පරපුරක් බිහි කරවීම මෙහි අරමුණ වන්නේය.
මේ සඳහා ප්‍රතිපාදන ජාතික සමගිය හා ප්‍රතිසන්ධානය සඳහා වූ කාර්යාලය විසින් සපයන ලදි. කැලණිය සහකාර ප්‍රාදේශීය ලේකම් භාග්‍යා එම්. අතුකෝරල මහත්මිය හා ගම්පහ දිස්ත්‍රික්කයේ සියලුම ජාතික ඒකබද්ධතා සම්බන්ධිකාරක නිලධාරීන් ඇතුළු රාජ්‍ය නිලධාරීන්ගේ සහභාගිත්වයෙන් මෙම වැඩසටහන පැවැත්විණි. කැලණිය ප්‍රාදේශීය ලේකම් කාර්යාලයේ ජාතික ඒකාබද්ධතා සම්බන්ධිකාරක මනෝජ් ප්‍රියන්ගනී සිල්වා මහත්මිය විසින් මෙම වැඩසටහන සම්බන්ධීකරණය කරන ලදි.
