76
මහනුවර, පාතහේවාහැට ඓතිහාසික පස්ගම ශ්‍රී මහා නාථ දේවාලයේ වාර්ෂික ඇසළ පෙරහර මංගල්‍යයේ කප් සිටුවීම මෙම මස 31 වෙනි දින අලුයම 05.30ට යෙදෙන සුබ මොහොතින් සිදු කෙරේ.
එලෙස කප් සිටුවීමෙන් අනතුරුව එතැන් සිට සැප්තැම්බර් 3 දක්වා දේවාලයේ අභ්‍යන්තර පෙරහර පවත්වන බව පස්ගම ශ්‍රී මහා නාථ දේවාලයේ සහ මහනුවර ශ්‍රී මහා කතරගම දේවාලයේ බස්නායක නිලමේ දමින්ද බණ්ඩාර උඩුරාවණ මහතා පවසයි. කුඹල් පෙරහර මංගල්‍යය පැවැත්වෙන්නේ 4 වැනි දින සිට 8 වැනි දින දක්වා බවත්, 9 වැනි දින සිට 13 වැනි දින දක්වා රන්දෝලි පෙරහර පවත්වා 14 වැනිදා දහවල් පෙරහරින් පස්ගම ශ්‍රී මහා නාථ දේවාලය පෙරහර මංගල්‍යය නිමා කරන බවත් ඔහු වැඩිදුරටත් කියා සිටියේය.
