120
තණමල්විල තැපැල් කාර්යාලයට ඉකුත්දා (22) මහජන ආධාර මුදල් ලබාගැනීමට පැමිණි පස්දරු පියකු තැපැල් කාර්යාල ඉදිරිපිටදී මියගොස් ඇතැයි තණමල්විල පොලීසිය පවසයි.
මෙලෙස මියගොස් ඇත්තේ තණමල්විල ගාමිණීපුර පදිංචි ආර්.ඒ. සිරිසේන (81) නැමති අයෙකි.
ඔහු වැඩිහිටි දීමනාව ලබාගැනීමට තණමල්විල තැපැල් කාර්යාලයට එදින උදෑසන පැමිණ ඇති අතර එකවරම තැපැල් කාර්යාල ඉදිරිපිට වාඩිවී සිටියදී මියගොස් ඇත.
මියගිය අයගේ මෘතදේහය හදිසි මරණ පරීක්ෂණයෙන් අනතුරුව ඥාතීන්ට භාරදුන් බව තණමල්විල වැඩබලන පොලිස් ස්ථානාධිපති නිශාන්ත ගමගේ මහතා පැවසීය.
