ආරච්චිකට්ටුව නල්ලදරන්කට්ටුව ඊයේ(23)උදෑසන බස් රථයක් යතුරුපැදියක ගැටී සිදුවු මාරක අනතුරකින් දෙදරු පියකු එම ස්ථානයේදීම මරණයට පත් වී ඇති බව ආරච්චිකට්ටුව පොලිසිය කියයි.
මෙසේ මරණයට පත්ව ඇත්තේ පෙදරේරුවෙකි.රැකියාවට යතුරු පැදියකින් ගමන් කරමින් සිටි ආරච්චිකට්ටුව වෛරන්කට්ටුව පදිංචි දෙදරු පියකු වන වර්ණකුලසුරිය සමන්ත දබරේරා නැමති අයකු බව කියයි.මේ පෙදරේරුවා උදෑසන රැකියාවට ඔහුගේ යතුරුපැදියෙන් හලාවත දෙසට ගමන් කරමින් සිටියදී පිටුපසින් පැමිණි යාපනය කොළඹ පෞද්ගලික මගී ප්‍රවාහන බස් රථයකට ගැටී එම ස්ථානයේදීම මරණයට පත් වී ඇති බවයි.පෙදරේරුවා තම යතුරුපැදිය ධාවනය හලාවත දෙසට ධාවනය කරමින් තිබියදී බස් රථ රියැදුරාගේ කිසියම් හේතුවක් මත මේ අනතුරු සිදුව ඇති බවත් අනතුරින් මරණ කරුගේ යතුරුපැදිය මීටර් 100කට වැඩිදුරක් සිර වී ගොස් බස් රථය නැවතී ඇති බවයි.අනතුර සම්බන්ධයෙන් යාපනය කොළඹ පෞද්ගලික බස් රථ රියැදුරා පොලිසිය මගින් අත්අඩංගුවට ගෙන ඇති අතර ප්‍රකාශ සටහන් කර ගැනීමෙන් පසු හලාවත අධිකරණයට ඉදිරිපත් කිරීමට නියමිතව තිබුණි.අනතුර සම්බන්ධව ආරච්චිකට්ටුව පොලිසිය පරීක්ෂණ ආරම්භ කර තිබේ.
