283
ශ්‍රී ලංකා මුස්ලිම් කොංග්‍රසයේ නියෝජ්‍ය නායක මඩකලපුව දිස්ත්‍රික් පාර්ලිමේන්තු මන්ත්‍රී අලි සහීර් මවුලානා මහතා ඉදිරි ජනාධිපතිවරණයේ දී ජනාධිපති රනිල් වික්‍රමසිංහ මහතාට සහාය දැක්වීමට එක් වෙයි.
කොළඹ මල් පාරේ පිහිටි ජනාධිපති රනිල් වික්‍රමසිංහ මහතාගේ දේශපාලන කාර්යාලය වෙත අද (16) පස්වරුවේ පැමිණි අලි සහීර් මවුලානා මහතා ඇතුළු කණ්ඩායම ජනාධිපති රනිල් වික්‍රමසිංහ මහතා හමුවී මේ පිළිබඳ නිල වශයෙන් දැනුම් දුන්හ.
අමාත්‍ය කංචන විජේසේකර, පාර්ලිමේන්තු මන්ත්‍රී වජිර අබේවර්ධන, ජනාධිපති කාර්ය මණ්ඩල ප්‍රධානි හා ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක, හිටපු අමාත්‍ය මනුෂ නානායක්කාර යන මහත්වරු ද මෙම අවස්ථාවට එක්ව සිටියහ.
