කවරකු විසින් වුවද ගන්නා වූ වැරදි තීරණ අර්බුදවලට තුඩු දෙන බව රටේ සියලු දෙනා තේරුම්ගත යුතු බව ජල සම්පාදන හා වතු යටිතල පහසුකම් ඇමැති ජීවන් තොණ්ඩමන් මහතා පාර්ලිමේන්තුවේදී ඊයේ (06) ප්‍රකාශ කළේය.
ඇමැතිවරයා මේ බව සඳහන් කළේ පාර්ලිමේන්තුවේදී ඊයේ (06) පැවැති විවාදයට එක් වෙමිනි.
එහිදී වැඩිදුරටත් අදහස් දැක්වූ අමාත්‍ය ජීවන් තොණ්ඩමන් මහතා සඳහන් කළේය.
වසර දෙකකට ඉහතදී රට තුළ ඇතිවූ ආර්ථික අර්බුදය ඇතුළු සියලු අර්බුදවලින් යම් තරමකට හෝ ගොඩ ඒමට හැකිවේ යැයි කිසිවකු විශ්වාස නොකළ ද කඩා වැටුණු රට යථා තත්ත්වයට පත් කළේ වත්මන් ජනාධිපති රනිල් වික්‍රමසිංහ මහතායි.
හැඟීම්වලට යට නොවී කල්පනාකාරී ලෙස කටයුතු කළ ජනාධිපති රනිල් වික්‍රමසිංහ මහතා රට ස්ථාවර කිරීමට සමත් වුණා. එදා තිබූ තත්ත්වය ගැන සිතා දැන් අප සිටින්නේ කොතැනදැයි සිතා බැලිය යුතුයි. ගැටලුවලට විසඳුම් පමණක් නොව රට තුළ ස්ථාවර භාවයක් නොමැති වීමද බලපෑවා.
බංග්ලාදේශයේ තත්ත්වය ගැන අපි ඇත්තටම කනස්සල්ලට පත්වෙනවා. විදේශ කටයුතු ඇමැති අලි සබ්රි සහ රාජ්‍ය ඇමැති තාරක බාලසූරිය ඒ පිළිබඳව අවධානය යොමු කර තිබෙනවා. කෙසේ වෙතත්, ඔබ එය තවදුරටත් ශ්‍රී ලංකාව සමඟ සංසන්දනය කරන්නේ ඇයි? මම අහන්න කැමති විදියට. ඒ වගේම විරුද්ධ පක්ෂ කියනවා ආයෙත් අර්බුදයක් ඇති වෙයි කියලා? අපි යුක්තිය වෙනුවෙන් වෙහෙසෙමු. අර්බුද ඇතිවන්නේ වැරදි තීරණ නිසා බව කවුරුත් තේරුම් ගතයුතුයි. එතැන් සිට ප්‍රගතිය සහ පසුගිය වසර දෙක හා සසඳන විට අප සිටින්නේ කොතැනද යන්න තේරුම් ගැනීම සෑම කෙනෙකුටම වැදගත් වෙනවා.
