66
කළුතර පොලිස් විද්‍යාලයේ අපරාධ ස්ථාන පරික්ෂා කරන නිලධාරීන් පුහුණු කරනු ලබන පරීක්ෂණාගාරයේ පෙරේදා (31) රාත්‍රි ගින්නක් හටගෙන ඇති බව කළුතර මහ නගර සභාවේ ගිනි නිවන ඒකකය පවසයි.
ගින්නෙන් එහි පරිගණක ඇතුළු දේපළ රැසක් ද විනාශ වී ඇති බව වාර්තා වේ.
පොලිස් විද්‍යාලයේ නිලධාරීන් ගින්න පාලනය කර ඇති අතර, කළුතර මහ නගර සභාවේ ගිනි භටයින් එක්ව ගින්න මුළුමනින්ම නිවාදමා තිබේ.
කළුතර කොට්ඨාස අපරාධ පරීක්ෂණාගාර නිලධාරීන් ද පරීක්ෂණ සිදු කර තිබේ.
විදුලි කාන්දුවකින් ගින්න හටගන්නට ඇති බවට සැක පළ කරන රජයේ රස පරීක්ෂක වාර්තාව ලැබෙන තෙක් එය නිශ්චිතව ප්‍රකාශ කළ නොහැකි බව නිලධාරියකු පැවැසීය.
ජීවිත හානි සිදුව නොමැති බවත් සිදුවූ දේපළ හානිය මෙතෙක් ගණන් බලා නොමැති බවත් වාර්තා වේ.
