දේශපාලන ක්‍රියාකාරිකයකු රුපියල් ලක්ෂ 15ක අල්ලස් මුදලක් ලබා ගැනීමක් සම්බන්ධයෙන් අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.
පොළොන්නරුව ප්‍රදේශයේ ව්‍යාපාරිකයකු විසින් කරන ලද පැමිණිල්ලකට අනුව සැකකරුවන් දෙදෙනා අත්අඩංගුවට ගෙන මහවැලි බී කලාපයට අයත් මඩකළපුව දිස්ත්‍රික්කයේ පිහිටි ජය මිනියාය වැවේ රොන් මඩ ඉවත් කර එම රොන්මඩ නිස්සාරණය කර වැලි විකිණීමේ ව්‍යාපෘතියක් සඳහා පැමිණිලිකරුට හිමි පුද්ගලික සමාගම නමින් භූ විද්‍යා හා පතල් කැණීම් කාර්යාංශයෙන් ලබා ගත යුතු බලපත්‍රය ලබාදීම සඳහා අල්ලස් මුදල තුටු පඬුරක් ලෙස ඉල්ලා ලබා ගැනීමේ චෝදනාව මත කරඬියනාරු ප්‍රදේශයේ දේශපාලන ක්‍රියාකාරකයකු වන ව්‍යාපාරිකයකු මඩකළපුව රාජ්‍ය බැංකුවක් ඉදිරිපිටදී සහ දේශපාලන ක්‍රියාකාරිකයා මඩකළපුව පිහිටි කාර්යාලයේදී අත්අඩංගුවට ගත් බව පොලිසිය කියයි.
අත්අඩංගුවට ගත් සැකකරුවන් දෙදෙනා අධිකරණයට ඉදිරිපත් කිරීමට නියමිතය. අල්ලස් හෝ දූෂණ චෝදනා විමර්ශන කොම්ෂන් සභාව පරීක්ෂණ පවත්වයි.
