73
යාපනයේ සිට කතරගම දක්වා වන්දනාකරුවන් පිරිසක් රැගෙන යමින් තිබූ බස් රථයක් ඊයේ (19) පස්වරුවේ මූතූර් පොලිස් සමට අයත් ගෙන්ගේ ප්‍රදේශයේ දී මාර්ගයෙන් ඉවතට පැන පෙරැළී යාමෙන් වන්දනාකරුවන් පනස් දෙනෙක් තුවාල ලබා රෝහල් ගතකළ බව මුතූර් පොලිසිය පවසයි.
අනතුර සිදුවන අවස්ථාවේ බස්රථය තුළ වන්දනාකරුවන් 59 දෙනෙකු සිට ඇති අතර තුවාල ලැබූ 52ක් මූතූර් රෝහලට ඇතුළත් කරනු ලැබ තිබේ. ඉන් 50 දෙනකු සුළු තුවාල ලබා ඇති අතර දෙදෙනෙකුගේ දෑත් වලට හානි සිදුවී ඇතැයි රෝහල් ආරංචි මාර්ග කියයි .
බස් රථය රියැදුරුගේ පාලනයෙන් ගිලිහි ගොස් මෙම අනතුර සිදුවී ඇති අතර අධික වේගය අනතුරට හේතු වී ඇති බවට පොලිසිය සැක කරයි .සිද්ධිය සම්බන්ධයෙන් මූතුර් පොලිසිය වැඩිදුර පරීක්ෂණ පවත්වයි.
